ਟਰੰਪ ਨੇ ਅਜਿਹਾ ਕੀ ਕਹਿ ਦਿੱਤਾ...ਇੱਕੋ ਝਟਕੇ 'ਚ ਸ਼ੇਅਰ ਬਾਜ਼ਾਰ 1600 ਅੰਕ ਟੁੱਟਿਆ; ਕੱਚੇ ਤੇਲ 'ਚ ਆਇਆ ਜ਼ਬਰਦਸਤ ਉਛਾਲ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਈਰਾਨ ਦੇ 80 ਟਿਕਾਣਿਆਂ 'ਤੇ ਦੇਰ ਰਾਤ ਕੀਤੇ ਗਏ ਹਮਲਿਆਂ ਤੋਂ ਬਾਅਦ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੁਪਹਿਰ 1.3 ਵਜੇ ਅਜਿਹਾ ਬਿਆਨ ਦਿੱਤਾ ਕਿ ਸ਼ੇਅਰ ਬਾਜ਼ਾਰ 'ਚ ਜ਼ਬਰਦਸਤ ਵਿਕਰੀ ਬਿਕਵਾਲੀ ਹੋਈ। ਦਰਅਸਲ, ਟਰੰਪ ਨੇ ਕਿਹਾ ਕਿ ਉਹ ਹੁਣ ਈਰਾਨ ਨਾਲ ਕੋਈ ਸਮਝੌਤਾ ਨਹੀਂ ਚਾਹੁੰਦੇ। ਉਨ੍ਹਾਂ ਨੇ ਕਿਹਾ ਕਿ ਈਰਾਨ ਨਾਲ ਜੰਗਬੰਦੀ ਅਤੇ ਸਮਝੌਤਾ ਪੱਤਰ (ਐਮਓਯੂ) ਅਸਲ ਵਿਚ 'ਖਤਮ' ਹੋ ਚੁੱਕੇ ਹਨ।

ਤੁਰਕੀ ਦੇ ਅੰਕਾਰਾ 'ਚ NATO ਸੰਮੇਲਨ 'ਚ ਬੋਲਦੇ ਹੋਏ ਟਰੰਪ ਨੇ ਕਿਹਾ, ''ਅਸੀਂ ਬੀਤੀ ਰਾਤ ਈਰਾਨ ਦੇ ਖਤਰਨਾਕ ਲੋਕਾਂ 'ਤੇ ਜ਼ਬਰਦਸਤ ਹਮਲਾ ਕੀਤਾ।' ਈਰਾਨ ਦੇ ਨੇਤਾਵਾਂ ਦਾ ਜ਼ਿਕਰ ਕਰਦਿਆਂ ਉਨ੍ਹਾਂ ਅੱਗੇ ਕਿਹਾ ਕਿ ਉਹ ਬਿਮਾਰ ਹਨ। ਅਮਰੀਕੀ ਰਾਸ਼ਟਰਪਤੀ ਨੇ ਸੰਕੇਤ ਦਿੱਤਾ ਕਿ ਵਾਸ਼ਿੰਗਟਨ ਈਰਾਨ ਦੀਆਂ ਕਾਰਵਾਈਆਂ ਦਾ ਸਖ਼ਤ ਜਵਾਬ ਦੇਣਾ ਜਾਰੀ ਰੱਖੇਗਾ। ਇਸ ਬਿਆਨ ਤੋਂ ਬਾਅਦ ਸ਼ੇਅਰ ਬਾਜ਼ਾਰ 'ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ।

Nifty-Bank Nifty 'ਚ ਗਿਰਾਵਟ ਵਧੀ

8 ਜੁਲਾਈ ਨੂੰ ਸ਼ੇਅਰ ਬਾਜ਼ਾਰ ਗਿਰਾਵਟ ਦੇ ਨਾਲ ਕਾਰੋਬਾਰ ਕਰ ਰਹੇ ਸਨ ਪਰ ਦੁਪਹਿਰ 1.30 ਵਜੇ ਟਰੰਪ ਦੇ ਬਿਆਨ ਸਾਹਮਣੇ ਆਉਣ ਤੋਂ ਬਾਅਦ ਅਚਾਨਕ ਬਾਜ਼ਾਰ 'ਚ ਮੰਦੀ ਹੋਰ ਵਧ ਗਈ ਤੇ ਨਿਫਟੀ 500 ਅੰਕ ਡਿੱਗ ਕੇ 23900 ਦੇ ਹੇਠਾਂ ਚਲਾ ਗਿਆ।ਇਸ ਦੇ ਨਾਲ ਹੀ ਬੈਂਕ ਨਿਫਟੀ ਵੀ 1347 ਅੰਕ ਡਿੱਗ ਕੇ 56843 'ਤੇ ਕਾਰੋਬਾਰ ਕਰ ਰਿਹਾ ਹੈ।

ਸਾਰੇ ਸੈਕਟਰਾਂ 'ਚ ਭਾਰੀ ਬਿਕਵਾਲੀ

ਅੱਜ ਬਾਜ਼ਾਰ ਦੇ ਸਾਰੇ ਸੈਕਟਰਾਂ 'ਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ ਪਰ ਸਰਕਾਰੀ ਬੈਂਕ ਸ਼ੇਅਰਾਂ ਨੂੰ ਸਭ ਤੋਂ ਜ਼ਿਆਦਾ ਮਾਰ ਪਈ ਹੈ ਕਿਉਂਕਿ ਨਿਫਟੀ ਪੀਐੱਸਯੂ ਬੈਂਕ ਇੰਡੈਕਸ 'ਚ 2.65 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਫਾਈਨਾਂਸ਼ੀਅਲ, ਪ੍ਰਾਈਵੇਟ ਬੈਂਕ, ਐੱਫਐੱਮਸੀਜੀ, ਇਨਫਰਾ, ਮੀਡੀਆ, ਆਇਲ ਐਂਡ ਗੈਸ, ਆਟੋ ਇੰਡੈਕਸ 'ਚ ਵੀ 2 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।