ਜਲਦ ਲਾਂਚ ਹੋ ਸਕਦੀ ਹੈ TATA Tiago EV Facelift, ਜਾਣੋ ਕੀ ਹੋਣਗੇ ਫੀਚਰਜ਼ ਤੇ ਖ਼ਾਸੀਅਤ

ਆਟੋ ਡੈਸਕ, ਨਵੀਂ ਦਿੱਲੀ : TATA Tiago EV Facelift ਮਾਡਲ ਨੂੰ ਇਕ ਵਾਰ ਫਿਰ ਭਾਰਤ ਦੀਆਂ ਸੜਕਾਂ 'ਤੇ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਹੈ। ਦੱਸ ਦੇਈਏ ਕਿ ਇਸ ਇਲੈਕਟ੍ਰਿਕ ਪ੍ਰੋਟੋਟਾਈਪ (ਟੈਸਟਿੰਗ ਮਾਡਲ) ਨੂੰ ਦੇਸ਼ ਵਿਚ ਪਹਿਲਾਂ ਵੀ ਕਈ ਵੱਖ-ਵੱਖ ਮੌਕਿਆਂ 'ਤੇ ਟੈਸਟਿੰਗ ਦੌਰਾਨ ਦੇਖਿਆ ਜਾ ਚੁੱਕਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਫੇਸਲਿਫਟ ਮਾਡਲ 'ਚ ਕਿਹੜੇ-ਕਿਹੜੇ ਫੀਚਰਜ਼ ਸ਼ਾਮਲ ਹੋ ਸਕਦੇ ਹਨ। Tiago EV ਭਾਰਤੀ ਆਟੋਮੋਬਾਈਲ ਮਾਰਕੀਟ ਦੀਆਂ ਸਭ ਤੋਂ ਸਸਤੀਆਂ ਇਲੈਕਟ੍ਰਿਕ ਕਾਰਾਂ 'ਚੋਂ ਇਕ ਬਣੀ ਹੋਈ ਹੈ। ਅਜਿਹੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਟਾਟਾ ਜਲਦ ਹੀ ਇਸ ਦਾ ਨਵਾਂ ਅਤੇ ਅਪਡੇਟਿਡ ਫੇਸਲਿਫਟ ਮਾਡਲ ਲਾਂਚ ਕਰੇਗੀ।

ਕਿਹੋ ਜਿਹਾ ਹੋਵੇਗਾ ਡਿਜ਼ਾਈਨ?

ਜਦੋਂ TATA Tiago EV ਫੇਸਲਿਫਟ ਨੂੰ ਭਾਰਤੀ ਸੜਕਾਂ 'ਤੇ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਤਾਂ ਉਹ ਪੂਰੀ ਤਰ੍ਹਾਂ ਨਾਲ ਢਕੀ ਹੋਈ ਸੀ। ਉਮੀਦ ਹੈ ਕਿ ਇਸ ਦੇ ਬਾਹਰੀ ਡਿਜ਼ਾਈਨ ਵਿੱਚ ਬਹੁਤ ਹੀ ਘੱਟ ਬਦਲਾਅ ਕੀਤੇ ਜਾਣਗੇ। ਇਸ ਕਾਰ ਵਿੱਚ LED DRL ਯੂਨਿਟਸ ਅਤੇ ਪਿੱਛੇ ਵਾਲੇ ਪਾਸੇ ਨਵੇਂ ਡਿਜ਼ਾਈਨ ਦੀਆਂ ਟੇਲਲਾਈਟਾਂ ਮਿਲ ਸਕਦੀਆਂ ਹਨ। ਇਸ ਵਿੱਚ ਨਵੇਂ ਡਿਜ਼ਾਈਨ ਦੇ ਫਰੰਟ ਅਤੇ ਰਿਅਰ ਬੰਪਰ ਹੋਣ ਦੀ ਉਮੀਦ ਹੈ।

ਇਸ ਦੇ ਨਾਲ ਹੀ, ਇਸ ਵਿੱਚ ਅਲਾਏ ਵ੍ਹੀਲਜ਼ ਦਾ ਇੱਕ ਨਵਾਂ ਸੈੱਟ ਵੀ ਦਿੱਤਾ ਜਾ ਸਕਦਾ ਹੈ, ਜਿਸਦਾ ਕਾਫ਼ੀ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।

ਕੀ ਮਿਲ ਸਕਦੇ ਹਨ ਫੀਚਰਜ਼?

ਬਾਹਰੀ ਡਿਜ਼ਾਈਨ ਦੀ ਤਰ੍ਹਾਂ ਹੀ TATA Tiago EV ਦੇ ਕੈਬਿਨ ਵਿੱਚ ਵੀ ਬਹੁਤ ਘੱਟ ਬਦਲਾਅ ਹੋਣ ਦੀ ਉਮੀਦ ਹੈ। ਉਮੀਦ ਹੈ ਕਿ ਇਸ ਵਿੱਚ ਨਵੀਂ ਡੁਅਲ-ਕਲਰ ਥੀਮ ਵਾਲਾ ਇੰਟੀਰੀਅਰ ਅਤੇ ਇੱਕ ਨਵਾਂ ਪੂਰੀ ਤਰ੍ਹਾਂ ਡਿਜੀਟਲ ਡਰਾਈਵਰ ਡਿਸਪਲੇਅ ਦਿੱਤਾ ਜਾਵੇਗਾ। ਮੌਜੂਦਾ ਮਾਡਲ ਵਾਲੇ 10.25 ਇੰਚ ਦਾ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਆਟੋਮੈਟਿਕ ਕਲਾਈਮੇਟ ਕੰਟਰੋਲ, ਸਟੀਅਰਿੰਗ 'ਤੇ ਕੰਟਰੋਲ ਬਟਨ ਅਤੇ ਕੂਲਡ ਗਲਵਬਾਕਸ ਵਰਗੇ ਫੀਚਰਸ ਇਸ ਵਿੱਚ ਵੀ ਜਾਰੀ ਰਹਿ ਸਕਦੇ ਹਨ।

ਸੰਭਾਵੀ ਬੈਟਰੀ ਅਤੇ ਪਾਵਰ

TATA Tiago EV Facelift ਦੇ ਡਿਜ਼ਾਈਨ ਅਤੇ ਫੀਚਰਸ ਵਿੱਚ ਕੁਝ ਬਦਲਾਅ ਕੀਤੇ ਜਾ ਸਕਦੇ ਹਨ, ਪਰ ਇਸਦੇ ਪਾਵਰਟ੍ਰੇਨ ਵਿੱਚ ਕੋਈ ਬਦਲਾਅ ਹੋਣ ਦੀ ਉਮੀਦ ਨਹੀਂ ਹੈ। ਇਹ ਕਾਰ ਮੌਜੂਦਾ ਮਾਡਲ ਦੀ ਤਰ੍ਹਾਂ 2 ਵਿਕਲਪਾਂ ਵਿੱਚ ਉਪਲਬਧ ਰਹੇਗੀ।

ਮੀਡੀਅਮ ਰੇਂਜ ਮਾਡਲ: ਇਸ ਵਿੱਚ 19.2kWh ਦਾ ਬੈਟਰੀ ਪੈਕ ਦਿੱਤਾ ਗਿਆ ਹੈ ਜੋ ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ 250 ਕਿਲੋਮੀਟਰ (MIDC) ਦੀ ਰੇਂਜ ਦਾ ਦਾਅਵਾ ਕਰਦਾ ਹੈ।

ਲੌਂਗ ਰੇਂਜ ਮਾਡਲ: ਇਸ ਵਿੱਚ 24kWh ਦੀ ਬੈਟਰੀ ਦਿੱਤੀ ਗਈ ਹੈ ਜੋ ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ 315 ਕਿਲੋਮੀਟਰ (MIDC) ਦੀ ਦੂਰੀ ਤੈਅ ਕਰਨ ਦਾ ਦਾਅਵਾ ਕਰਦੀ ਹੈ।