OTT ਐਪਸ ਦਾ ਕਰਦੇ ਹੋ ਇਸਤੇਮਾਲ ? ਬੱਚਿਆਂ ਦੀ ਸੇਫ਼ਟੀ ਲਈ ਤੁਰੰਤ ਬਦਲੋ ਇਹ ਜ਼ਰੂਰੀ ਸੈਟਿੰਗਜ਼
ਸਮੱਸਿਆ ਇਹ ਹੈ ਕਿ ਕਈ ਘਰਾਂ ਵਿਚ ਪੂਰਾ ਪਰਿਵਾਰ ਇੱਕੋ OTT Platform ਦਾ ਇਸਤੇਮਾਲ ਕਰਦਾ ਹੈ। ਅਜਿਹੇ 'ਚ ਬੱਚਿਆਂ ਸਾਹਮਣੇ ਕਈ ਵਾਰ ਅਡਲਟ ਕੰਟੈਂਟ ਵੀ ਆ ਜਾਂਦਾ ਹੈ। ਇਸ ਸਥਿਤੀ ਤੋਂ ਬਚਣ ਲਈ ਆਓ ਜਾਣਦੇ ਹਾਂ ਕਿ ਹਰ OTT ਪਲੇਟਫਾਰਮ 'ਚ ਕਿਹੜੀਆਂ ਸੈਟਿੰਗਜ਼ ਆਨ ਹੋਣੀਆਂ ਚਾਹੀਦੀਆਂ ਹਨ।
Posted By Seema Anand
Publish Date: Sat, 23 May 2026 05:01 PM (IST)
Updated Date: Sat, 23 May 2026 05:06 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਸਮਾਰਟਫ਼ੋਨ, ਟੈਬਲੇਟ ਤੇ ਸਮਾਰਟ ਟੀਵੀ ਹੁਣ ਬੱਚਿਆਂ ਦੀ ਰੋਜ਼ਾਨਾ ਜ਼ਿੰਦਗੀ ਦਾ ਹਿੱਸਾ ਬਣ ਚੁੱਕੇ ਹਨ। ਲੋਕਲ ਸਰਕਲਸ ਦੇ ਸਰਵੇ ਮੁਤਾਬਕ, 37% ਮਾਪਿਆਂ ਨੇ ਕਿਹਾ ਕਿ ਉਨ੍ਹਾਂ ਦੇ ਬੱਚੇ ਸਭ ਤੋਂ ਜ਼ਿਆਦਾ ਵੀਡੀਓ ਤੇ ਪ੍ਰਾਈਮ ਵੀਡੀਓ ਜਾਂ ਨੈੱਟਫਲਿਕਸ ਵਰਗੇ OTT ਪਲੇਟਫਾਰਮ ਦੇਖਦੇ ਹਨ। ਸਮੱਸਿਆ ਇਹ ਹੈ ਕਿ ਕਈ ਘਰਾਂ ਵਿਚ ਪੂਰਾ ਪਰਿਵਾਰ ਇੱਕੋ ਅਕਾਊਂਟ ਦਾ ਇਸਤੇਮਾਲ ਕਰਦਾ ਹੈ। ਅਜਿਹੇ 'ਚ ਬੱਚਿਆਂ ਸਾਹਮਣੇ ਕਈ ਵਾਰ ਅਡਲਟ ਕੰਟੈਂਟ ਵੀ ਆ ਜਾਂਦਾ ਹੈ। ਇਸ ਸਥਿਤੀ ਤੋਂ ਬਚਣ ਲਈ ਆਓ ਜਾਣਦੇ ਹਾਂ ਕਿ ਹਰ OTT ਪਲੇਟਫਾਰਮ 'ਚ ਕਿਹੜੀਆਂ ਸੈਟਿੰਗਜ਼ ਆਨ ਹੋਣੀਆਂ ਚਾਹੀਦੀਆਂ ਹਨ।
Netflix: ਉਮਰ ਦੇ ਹਿਸਾਬ ਨਾਲ ਤੈਅ ਕਰੋ ਕੰਟੈਂਟ ਲਿਮਟ
ਬੱਚਿਆਂ ਲਈ ਵੱਖਰੀ ਪ੍ਰੋਫਾਈਲ ਬਣਾਓ। ਇਸਦੇ ਲਈ Netflix > Manage Profiles > Add Profile > Kids 'ਤੇ ਜਾਓ।
ਨੈੱਟਫਲਿਕਸ ਦੀਆਂ ਸਾਰੀਆਂ ਪ੍ਰੋਫਾਈਲਸ 'ਤੇ ਪਿਨ ਲਗਾ ਕੇ ਰੱਖੋ। ਇਸਦੇ ਲਈ ਨੈੱਟਫਲਿਕਸ ਦੇ ਅਕਾਊਂਟ ਸੈਕਸ਼ਨ 'ਚ ਜਾਓ ਤੇ ਪ੍ਰੋਫਾਈਲ ਲੌਕ ਦੀ ਆਪਸ਼ਨ ਚੁਣੋ। ਤੀਜਾ ਜ਼ਰੂਰੀ ਸਟੈੱਪ 'ਪੇਰੈਂਟਲ ਕੰਟਰੋਲਸ' ਹੈ। ਅਕਾਊਂਟ ਸੈਟਿੰਗਜ਼ 'ਚ ਜਾ ਕੇ ਇਸ ਆਪਸ਼ਨ ਨੂੰ ਸਿਲੈਕਟ ਕਰੋ। ਇੱਥੇ ਮਾਪੇ ਬੱਚੇ ਦੀ ਉਮਰ ਦੇ ਹਿਸਾਬ ਨਾਲ ਮੈਚਿਓਰਿਟੀ ਰੇਟਿੰਗਸ ਚੁਣ ਸਕਦੇ ਹਨ। ਬੱਚਿਆਂ ਦੇ ਨਾਲ-ਨਾਲ ਅਡਲਟਸ ਲਈ ਵੀ ਵੱਖ-ਵੱਖ ਆਪਸ਼ਨ ਉਪਲਬਧ ਹਨ।
Amazon Prime Video: ਜ਼ਰੂਰ ਬਦਲੋ ਇਹ 3 ਸੈਟਿੰਗਜ਼
ਸਭ ਤੋਂ ਜ਼ਰੂਰੀ ਚੀਜ਼ ਹੈ ਪੇਰੈਂਟਲ ਕੰਟਰੋਲਸ ਨੂੰ ਆਨ ਕਰਨਾ। ਅਕਾਊਂਟ ਸੈਕਸ਼ਨ 'ਚ ਜਾ ਕੇ ਇਸ ਨੂੰ ਇਨੇਬਲ (ਚਾਲੂ) ਕਰੋ। ਪਰਚੇਜ਼ 'ਤੇ ਵੀ ਪਾਬੰਦੀਆਂ ਲਗਾਓ। ਬੱਚੇ ਗ਼ਲਤੀ ਨਾਲ ਫ਼ਿਲਮਾਂ ਖ਼ਰੀਦ ਸਕਦੇ ਹਨ, ਇਸ ਲਈ ਪਿਨ-ਬੇਸਡ ਪਰਚੇਜ਼ ਸਕਿਓਰਿਟੀ ਜ਼ਰੂਰੀ ਹੈ। ਉਮਰ ਦੇ ਹਿਸਾਬ ਨਾਲ ਕੰਟੈਂਟ ਸਿਲੈਕਟ ਕਰੋ। ਇੱਥੇ U, U/A 13+, U/A 16+ ਅਤੇ A ਵਰਗੇ ਆਪਸ਼ਨ ਉਪਲਬਧ ਹਨ। ਬੱਚੇ ਦੀ ਉਮਰ ਦੇ ਹਿਸਾਬ ਨਾਲ ਸਹੀ ਕੈਟੇਗਰੀ ਚੁਣੋ।
Jio Hotstar: ਪੇਰੈਂਟਲ ਲਾਕ ਦਾ ਆਪਸ਼ਨ ਚੁਣੋ
ਘਰਾਂ 'ਚ ਇਸਦੀ ਵਰਤੋਂ ਬੱਚਿਆਂ ਨੂੰ ਕਾਰਟੂਨ ਜਾਂ ਕ੍ਰਿਕਟ ਦਿਖਾਉਣ ਲਈ ਕੀਤੀ ਜਾਂਦੀ ਹੈ। ਪਰ ਉਸੇ ਅਕਾਊਂਟ 'ਤੇ ਅਡਲਟ ਵੈੱਬ ਸੀਰੀਜ਼ ਦੇ ਸੁਝਾਅ ਵੀ ਆ ਸਕਦੇ ਹਨ, ਜੋ ਬੱਚਿਆਂ ਨੂੰ ਪਰੇਸ਼ਾਨ ਕਰ ਸਕਦੇ ਹਨ। My Space ਸੈਕਸ਼ਨ 'ਚ ਜਾਓ ਅਤੇ App Kids Mode ਓਪਨ ਕਰ ਦਿਓ। ਪੇਰੈਂਟਲ ਲੌਕ ਦੀ ਆਪਸ਼ਨ ਚੁਣੋ। ਇਸ ਨਾਲ ਬੱਚੇ ਮਾਪਿਆਂ ਦੇ ਅਕਾਊਂਟ 'ਚ ਲੌਗਇਨ ਨਹੀਂ ਕਰ ਪਾਉਣਗੇ।
YouTube: ਰਿਮਾਈਂਡਰਸ ਤੇ ਡੇਲੀ ਲਿਮਟ ਵਰਗੇ ਫੀਚਰਜ਼ ਹਨ ਕੰਮ ਦੇ
ਯੂਟਿਊਬ 'ਚ 'ਫੈਮਿਲੀ ਸੈਂਟਰ' ਨਾਂ ਦੀ ਇਕ ਆਪਸ਼ਨ ਹੁੰਦਾ ਹੈ, ਇਸ ਨੂੰ ਸਿਲੈਕਟ ਕਰੋ। ਇੱਥੇ ਬੱਚੇ ਲਈ ਇਕ ਵੱਖਰਾ ਅਕਾਊਂਟ ਬਣਾਇਆ ਜਾ ਸਕਦਾ ਹੈ, ਜਿਸ ਰਾਹੀਂ ਉਨ੍ਹਾਂ ਨੂੰ ਸਿਰਫ਼ ਉਨ੍ਹਾਂ ਦੀ ਉਮਰ ਦੇ ਹਿਸਾਬ ਨਾਲ ਹੀ ਕੰਟੈਂਟ ਦਿਖਾਇਆ ਜਾਵੇਗਾ।
ਇਹ ਆਪਸ਼ਨ ਵੀ ਜ਼ਰੂਰ ਚੁਣੋ:
ਰਿਮਾਈਂਡਰ: ਇਸ ਵਿਚ ਬੱਚਿਆਂ ਨੂੰ ਬ੍ਰੇਕ ਲੈਣ ਲਈ ਹਰ ਅੱਧੇ ਜਾਂ 1 ਘੰਟੇ 'ਚ ਇਕ ਰਿਮਾਈਂਡਰ ਦਿੱਤਾ ਜਾਂਦਾ ਹੈ।
ਡੇਲੀ ਲਿਮਟ: ਯੂਟਿਊਬ ਸ਼ਾਰਟਸ ਦੇਖਣ ਲਈ ਇਕ ਫਿਕਸ ਟਾਈਮ ਲਿਮਟ ਸਿਲੈਕਟ ਕੀਤੀ ਜਾ ਸਕਦੀ है।