ਹਰ ਕਿਸੇ ਲਈ ਸ਼ੁੱਭ ਨਹੀਂ ਹੁੰਦਾ Ruby, ਜਾਣੋ ਕਿਹੜੀਆਂ ਰਾਸ਼ੀਆਂ ਨੂੰ ਮਿਲਦਾ ਹੈ ਇਸ ਦਾ ਫਾਇਦਾ

ਧਰਮ ਡੈਸਕ, ਨਵੀਂ ਦਿੱਲੀ : ਵੈਦਿਕ ਜੋਤਿਸ਼ 'ਚ ਨੌਂ ਪ੍ਰਮੁੱਖ ਰਤਨਾਂ ਦਾ ਵਿਸ਼ੇਸ਼ ਮਹੱਤਵ ਦੱਸਿਆ ਗਿਆ ਹੈ। ਇਨ੍ਹਾਂ ਵਿਚੋਂ ਮਾਣਿਕ (Ruby) ਨੂੰ ਸੂਰਜ ਗ੍ਰਹਿ ਦਾ ਪ੍ਰਤੀਨਿਧ ਰਤਨ ਮੰਨਿਆ ਜਾਂਦਾ ਹੈ। ਲਾਲ ਰੰਗ ਦਾ ਇਹ ਚਮਕਦਾਰ ਰਤਨ ਊਰਜਾ, ਆਤਮ-ਵਿਸ਼ਵਾਸ, ਅਗਵਾਈ ਸਮਰੱਥਾ ਤੇ ਵੱਕਾਰ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਜੋਤਿਸ਼ ਸ਼ਾਸਤਰ ਅਨੁਸਾਰ, ਜੇਕਰ ਕਿਸੇ ਵਿਅਕਤੀ ਦੀ ਕੁੰਡਲੀ 'ਚ ਸੂਰਜ ਮਜ਼ਬੂਤ ਸਥਿਤੀ 'ਚ ਹੋਵੇ ਜਾਂ ਉਸਨੂੰ ਮਜ਼ਬੂਤ ਕਰਨ ਦੀ ਲੋੜ ਹੋਵੇ ਤਾਂ ਯੋਗ ਜੋਤਿਸ਼ੀ ਦੀ ਸਲਾਹ ਤੋਂ ਬਾਅਦ ਮਾਣਿਕ ਧਾਰਨ ਕੀਤਾ ਜਾ ਸਕਦਾ ਹੈ।

ਹਾਲਾਂਕਿ, ਕਈ ਲੋਕ ਫੈਸ਼ਨ ਜਾਂ ਸ਼ੌਕ ਕਾਰਨ ਰਤਨ ਪਹਿਨ ਲੈਂਦੇ ਹਨ ਪਰ ਜੋਤਿਸ਼ 'ਚ ਇਸਨੂੰ ਸਹੀ ਨਹੀਂ ਮੰਨਿਆ ਗਿਆ। ਮਾਨਤਾ ਹੈ ਕਿ ਕਿਸੇ ਵੀ ਰਤਨ ਨੂੰ ਧਾਰਨ ਕਰਨ ਤੋਂ ਪਹਿਲਾਂ ਕੁੰਡਲੀ ਦਾ ਵਿਸ਼ਲੇਸ਼ਣ ਕਰਵਾਉਣਾ ਜ਼ਰੂਰੀ ਹੁੰਦਾ ਹੈ। ਗਲਤ ਰਤਨ ਜਾਂ ਅਸ਼ੁੱਭ ਗ੍ਰਹਿ ਦਾ ਰਤਨ ਧਾਰਨ ਕਰਨ ਨਾਲ ਉਮੀਦ ਕੀਤੇ ਲਾਭ ਮਿਲਣ ਦੀ ਬਜਾਏ ਨਕਾਰਾਤਮਕ ਪ੍ਰਭਾਵ ਵੀ ਦੇਖਣ ਨੂੰ ਮਿਲ ਸਕਦੇ ਹਨ।

ਮਾਣਿਕ ਇਨ੍ਹਾਂ ਰਾਸ਼ੀਆਂ ਲਈ ਹੈ ਸ਼ੁੱਭ

ਜੋਤਿਸ਼ ਅਨੁਸਾਰ, ਸਿੰਘ ਰਾਸ਼ੀ ਦੇ ਜਾਤਕਾਂ ਲਈ ਮਾਣਿਕ ਸਭ ਤੋਂ ਵੱਧ ਸ਼ੁਭ ਮੰਨਿਆ ਜਾਂਦਾ ਹੈ ਕਿਉਂਕਿ ਸਿੰਘ ਰਾਸ਼ੀ ਦੇ ਸੁਆਮੀ ਸੂਰਜ ਦੇਵ ਹਨ। ਇਸ ਤੋਂ ਇਲਾਵਾ ਮੇਖ, ਧਨੁ ਤੇ ਬ੍ਰਿਸ਼ਚਕ ਰਾਸ਼ੀ ਦੇ ਕੁਝ ਜਾਤਕਾਂ ਨੂੰ ਵੀ ਕੁੰਡਲੀ ਦੀ ਸਥਿਤੀ ਅਨੁਸਾਰ ਇਹ ਰਤਨ ਪਹਿਨਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਉੱਥੇ ਹੀ, ਜੇਕਰ ਜਨਮ ਕੁੰਡਲੀ 'ਚ ਸੂਰਜ ਸ਼ੁੱਭ ਭਾਵਾਂ 'ਚ ਮਜ਼ਬੂਤ ਸਥਿਤੀ 'ਚ ਬਿਰਾਜਮਾਨ ਹੋਵੇ ਤਾਂ ਵੀ ਮਾਣਿਕ ਲਾਭਦਾਇਕ ਮੰਨਿਆ ਜਾ ਸਕਦਾ ਹੈ।

ਮਾਣਿਕ ਨੂੰ ਆਤਮ-ਵਿਸ਼ਵਾਸ ਵਧਾਉਣ ਵਾਲਾ ਰਤਨ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਇਸਨੂੰ ਧਾਰਨ ਕਰਨ ਨਾਲ ਫੈਸਲੇ ਲੈਣ ਦੀ ਸਮਰੱਥਾ ਮਜ਼ਬੂਤ ਹੋ ਸਕਦੀ ਹੈ ਤੇ ਵਿਅਕਤੀ ਦੀ ਸ਼ਖ਼ਸੀਅਤ 'ਚ ਖਿੱਚ ਵੱਧ ਸਕਦੀ ਹੈ। ਪ੍ਰਸ਼ਾਸਨ, ਰਾਜਨੀਤੀ, ਸਰਕਾਰੀ ਸੇਵਾ, ਪ੍ਰਬੰਧਨ ਤੇ ਲੀਡਰਸ਼ਿਪ ਨਾਲ ਜੁੜੇ ਖੇਤਰਾਂ 'ਚ ਕੰਮ ਕਰਨ ਵਾਲੇ ਲੋਕਾਂ ਲਈ ਵੀ ਇਸਨੂੰ ਸ਼ੁੱਭ ਮੰਨਿਆ ਜਾਂਦਾ ਹੈ। ਜੋਤਸ਼ੀ ਮਾਨਤਾਵਾਂ ਅਨੁਸਾਰ, ਇਹ ਰਤਨ ਸਮਾਜਵਿੱਚ ਮਾਣ-ਸਨਮਾਨ ਤੇ ਪ੍ਰਤਿਸ਼ਠਾ ਦਿਵਾਉਣ 'ਚ ਸਹਾਇਕ ਹੋ ਸਕਦਾ ਹੈ।

ਮਾਣਿਕ ਧਾਰਨ ਕਰਨ ਦੇ ਨਿਯਮ

ਮਾਣਿਕ ਧਾਰਨ ਕਰਨ ਲਈ ਸੋਨੇ ਜਾਂ ਤਾਂਬੇ ਦੀ ਅੰਗੂਠੀ ਨੂੰ ਸ਼ੁੱਭ ਮੰਨਿਆ ਗਿਆ ਹੈ। ਇਸਨੂੰ ਐਤਵਾਰ ਦੇ ਦਿਨ ਸੂਰਜ ਚੜ੍ਹਨ ਤੋਂ ਬਾਅਦ ਪਹਿਨਣ ਦੀ ਪਰੰਪਰਾ ਹੈ। ਅੰਗੂਠੀ ਧਾਰਨ ਕਰਨ ਤੋਂ ਪਹਿਲਾਂ ਗੰਗਾਜਲ, ਕੱਚੇ ਦੁੱਧ, ਸ਼ਹਿਦ ਤੇ ਸਾਫ਼ ਪਾਣੀ ਨਾਲ ਸ਼ੁੱਧ ਕੀਤਾ ਜਾਂਦਾ ਹੈ। ਇਸ ਤੋਂ ਬਾਅਦ ਸੂਰਜ ਦੇਵਤਾ ਨੂੰ ਅਰਘ ਦੇ ਕੇ “ॐ घृणि सूर्याय नमः” ਮੰਤਰ ਦਾ ਜਾਪ ਕੀਤਾ ਜਾਂਦਾ ਹੈ। ਮਾਨਤਾ ਹੈ ਕਿ ਮਾਣਿਕ ਨੂੰ ਸੱਜੇ ਹੱਥ ਦੀ ਅਨਾਮਿਕਾ ਉਂਗਲ (Ring Finger) 'ਚ ਧਾਰਨ ਕਰਨਾ ਸਭ ਤੋਂ ਸ਼ੁੱਭ ਰਹਿੰਦਾ ਹੈ ਪਰ, ਬਿਨਾਂ ਕੁੰਡਲੀ ਦੀ ਜਾਂਚ ਕੀਤੇ ਮਾਣਿਕ ਪਹਿਨਣ ਤੋਂ ਬਚਣਾ ਹੀ ਸਹੀ ਮੰਨਿਆ ਗਿਆ ਹੈ।