ਰੁਜ਼ਗਾਰ ਦੀ ਮੰਗ ਨੂੰ ਲੈ ਕੇ ਤਿੱਖਾ ਸੰਘਰਸ਼: ਬੇਰੁਜ਼ਗਾਰ ਅਧਿਆਪਕਾਂ ਨੇ ਵਿੱਤ ਮੰਤਰੀ ਹਰਪਾਲ ਚੀਮਾ ਦੇ ਦਫ਼ਤਰ ਦਾ ਕੀਤਾ ਘਿਰਾਓ; ਸਰਕਾਰ ਖ਼ਿਲਾਫ਼ ਨਾਅਰੇਬਾਜ਼ੀ

ਮਾਸਟਰ ਕੇਡਰ ਦੀ ਸਰਕਾਰ ਵੱਲੋਂ ਇੱਕ ਵੀ ਭਰਤੀ ਦਾ ਇਸ਼ਤਿਹਾਰ ਨਹੀ ਦਿੱਤਾ ਗਿਆ ਅਤੇ ਆਰਟ ਐਂਡ ਕਰਾਫਟ ਤੇ ਕੰਪਿਊਟਰ ਅਧਿਆਪਕਾਂ ਦੀ ਭਰਤੀ ਦਾ ਵੀ ਕੋਈ ਹੱਲ਼ ਨਹੀ ਕੀਤਾ ਅਤੇ ਇਸ ਦੇ ਉਲਟ 55% ਸ਼ਰਤ ਨੂੰ ਲਾਗੂ ਕਰਨ ਦੀ ਬਹੁਤ ਜ਼ਲਦਬਾਜ਼ੀ ਕੀਤੀ ਜਾ ਰਹੀ ਹੈ। ਇਸ ਸਰਕਾਰ ਦੇ ਸਮੇਂ ਅਨੇਕਾਂ ਲ਼ੋਕ ਭਰਤੀ ਨਹੀ ਦੇਖ਼ ਸਕਦੇ ਕਿਓਂਕਿ ਬਹੁਤ ਸਾਥੀਆ ਦੀ ਉਮਰ ਨਿਕਲ਼ ਚੁੱਕੀ ਹੈ। ਸਰਕਾਰ ਨੂੰ ਬੇਰੁਜ਼ਗਾਰਾਂ ਨੇ ਰੋਸ ਪ੍ਰਦਰਸ਼ਨ ਕਰਦਿਆਂ ਕਿਹਾ ਕਿ ਇਹ ਸਾਰੀਆਂ ਮੰਗਾ ਹੱਲ ਨਹੀਂ ਹੁੰਦੀਆਂ ਤਾਂ ਆਉਣ ਵਾਲ਼ੇ ਦਿਨਾ ਵਿੱਚ ਵੱਡੇ ਪ੍ਰਦਸ਼ਨ ਵੱਲ ਬੇਰੁਜ਼ਗਾਰ ਵੱਧਣਗੇ। ਉਨਾਂ ਨੂੰ 23 ਜੁਲਾਈ ਦੀ ਮੀਟਿੰਗ ਮਿਲਣ ਤੋਂ ਬਾਅਦ ਧਰਨਾਕਾਰੀਆਂ ਨੇ ਧਰਨਾ ਖਤਮ ਕੀਤਾ। ਇਸ ਮੌਕੇ ਜਗਦੀਪ ਮੈਦੇਵਾਸ, ਅਵਤਾਰ ਭੁੱਲਰ ਹੇੜੀ ਗੁਰਦੀਪ ਬਲਰਾਜ, ਅਮਰਜੀਤ, ਕੁਲਦੀਪ, ਬੱਬੂ ਆਦਿ ਹਾਜ਼ਰ ਸਨ। ਫੋਟੋ ਕੈਪਸ਼ਨ ਦਿੜ੍ਹਬਾ ਵਿਖੇ ਬੇਰੁਜ਼ਗਾਰ ਅਧਿਆਪਕ ਚੀਮਾ ਦੇ ਦਫਤਰ ਦਾ ਘਿਰਾਓ ਕਰਦੇ ਹੋਏ।