ਚੋਰੀ ਕਰਨ ਵਾਲੀਆਂ ਔਰਤਾਂ ਦੇ ਗੈਂਗ ਦਾ ਲੋਕਾਂ ਨੇ ਚਾੜ੍ਹਿਆ ਕੁਟਾਪਾ, ਬਾਜ਼ਾਰਾਂ 'ਚ ਲੋਕਾਂ ਨੂੰ ਬਣਾਉਂਦੀਆਂ ਸਨ ਨਿਸ਼ਾਨਾ

ਮੌਕੇ ’ਤੇ ਪੁਲਿਸ ਨੂੰ ਬੁਲਾਇਆ ਗਿਆ ਅਤੇ ਲੋਕਾਂ ਨੇ ਕਾਬੂ ਕੀਤੀਆਂ ਦੋਵਾਂ ਔਰਤਾਂ ਨੂੰ ਪੁਲਿਸ ਹਵਾਲੇ ਕਰ ਦਿੱਤਾ। ਦੂਸਰੀ ਘਟਨਾ ਜਗਰਾਓਂ ਦੇ ਅਨਾਰਕਲੀ ਬਾਜ਼ਾਰ ਦੀ ਹੈ। ਜਿਥੇ ਇੱਕ ਕਰਿਆਨੇ ਦੀ ਦੁਕਾਨ ’ਤੇ ਐੱਨਆਰਆਈ ਮਹਿਲਾ ਸਾਮਾਨ ਖ਼ਰੀਦ ਰਹੀ ਸੀ। ਇਸੇ ਦੌਰਾਨ ਮੌਕੇ ਦੀ ਤਾੜ ਵਿਚ ਗੈਂਗ ਦੀਆਂ ਤਿੰਨ ਔਰਤਾਂ ਨੇ ਅੱਖ ਝਪਕਦੇ ਹੀ ਐੱਨਆਰਆਈ ਮਹਿਲਾ ਦੇ ਪਰਸ ਵਿਚੋਂ ਨਕਦੀ ਕੱਢ ਲਈ। ਨਕਦੀ ਥੱਲੇ ਡਿੱਗ ਪਈ ਅਤੇ ਔਰਤਾਂ ਦੀ ਚੋਰੀ ਫੜ੍ਹੀ ਗਈ। ਇਥੋਂ ਇਹ ਤਿੰਨੇ ਅੱਖ ਬਚਾ ਕੇ ਭੱਜ ਨਿਕਲੀਆਂ ਤਾਂ ਦੁਕਾਨਦਾਰਾਂ ਨੇ ਪਿੱਛਾ ਕਰਦਿਆਂ ਜਾ ਘੇਰੀਆਂ। ਇਨ੍ਹਾਂ ਦੀ ਵੀ ਸ਼ਰੇਬਾਜ਼ਾਰ ਚੰਗੀ ਸੁਰਤ ਸੰਵਾਰੀ ਗਈ। ਇਸ ਮੌਕੇ ਇਕੱਠੇ ਹੋਏ ਦੁਕਾਨਦਾਰਾਂ ਨੇ ਕਿਹਾ ਕਿ ਇਹ ਔਰਤਾਂ ਦਾ ਝੁੰਡ ਪਿਛਲੇ ਲੰਮੇ ਸਮੇਂ ਤੋਂ ਸਰਗਰਮ ਸੀ, ਨਿੱਤ ਗਾਹਕਾਂ ਦੇ ਮੋਬਾਈਲ, ਪਰਸ ਅਤੇ ਸਮਾਨ ਚੋਰੀ ਹੋ ਰਿਹਾ ਸੀ। ਉਨ੍ਹਾਂ ਪੁਲਿਸ ਤੋਂ ਮੰਗ ਕੀਤੀ ਕਿ ਇਨ੍ਹਾਂ ਖ਼ਿਲਾਫ਼ ਸਖਤ ਕਾਰਵਾਈ ਕੀਤੀ ਜਾਵੇ।