ਆਏ ਸਨ ਭਾਰਤ 'ਤੇ ਹਮਲਾ ਕਰਨ, ਲੁੱਕ ਬਦਲਣ ਦੇ ਚੱਕਰ 'ਚ ਫਸ ਗਏ; ਮਿਸ਼ਨ ਛੱਡ ਕੇ ਲਸ਼ਕਰ ਦੇ ਅੱਤਵਾਦੀਆਂ ਨੇ ਕਰਵਾਇਆ ਮੇਕਓਵਰ
ਇੱਕ ਜਾਂਚਕਰਤਾ ਦਾ ਕਹਿਣਾ ਹੈ ਕਿ ਇਹਨਾਂ ਘਟਨਾਵਾਂ ਨੂੰ ਮਹਿਜ਼ ਕੁਝ ਵੱਖਰੇ ਮਾਮਲੇ ਮੰਨ ਕੇ ਨਜ਼ਰਅੰਦਾਜ਼ ਕਰਨਾ ਆਸਾਨ ਹੈ ਪਰ ਇਸ ਗੱਲ ਦੀ ਵੀ ਪੂਰੀ ਸੰਭਾਵਨਾ ਹੈ ਕਿ ਕਾਸਮੈਟਿਕ ਸਰਜਰੀ ਪ੍ਰਤੀ ਇਹ ਜਨੂੰਨ ਆਪਣੀ ਪਛਾਣ ਬਦਲਣ ਅਤੇ ਅੰਤਰਰਾਸ਼ਟਰੀ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਤੋਂ ਬਚਣ ਲਈ ਹੈ।
Posted By alisha
Publish Date: Wed, 20 May 2026 12:01 PM (IST)
Updated Date: Wed, 20 May 2026 12:08 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਲਸ਼ਕਰ-ਏ-ਤੋਇਬਾ (LeT) ਦਾ ਅੱਤਵਾਦੀ ਉਸਮਾਨ ਜੱਟ ਇਕ ਖ਼ਾਸ ਮਿਸ਼ਨ 'ਤੇ ਸੀ ਪਰ ਉਸ ਦੀ ਆਪਣੀ ਹੀ ਸ਼ਾਨ-ਸ਼ੌਕਤ ਉਸ ਦੇ ਰਾਹ ਦਾ ਰੋੜਾ ਬਣ ਗਈ। ਉਹ ਭਾਰਤ ਵਿੱਚ ਸਲੀਪਰ ਸੈੱਲ ਤਿਆਰ ਕਰਨ ਲਈ ਪਾਕਿਸਤਾਨ ਤੋਂ ਭਾਰਤ ਵਿੱਚ ਦਾਖਲ ਤਾਂ ਹੋ ਗਿਆ ਪਰ ਆਪਣਾ ਮਿਸ਼ਨ ਭੁੱਲ ਕੇ ਸ਼੍ਰੀਨਗਰ ਦੇ ਇੱਕ ਮੈਡੀਕਲ ਕਲੀਨਿਕ ਵਿੱਚ ਹੇਅਰ ਟ੍ਰਾਂਸਪਲਾਂਟ ਕਰਵਾਉਣ ਚਲਿਆ ਗਿਆ।
ਜੱਟ ਇਕੱਲਾ ਅਜਿਹਾ ਮਾਮਲਾ ਨਹੀਂ ਹੈ, ਜਿਸ ਵਿੱਚ ਮਿਸ਼ਨ ਉੱਤੇ ਆਪਣੀ ਹੀ ਸ਼ਕਲ-ਸੂਰਤ ਦਾ ਸ਼ੌਕ ਭਾਰੀ ਪੈ ਗਿਆ ਹੋਵੇ। ਸੂਤਰਾਂ ਮੁਤਾਬਕ, ਸ਼ੱਬੀਰ ਅਹਿਮਦ ਲੋਨ, ਜੋ ਬੰਗਲਾਦੇਸ਼ ਵਿੱਚ ਲਸ਼ਕਰ ਦਾ ਇੱਕ ਸੈੱਲ ਬਣਾ ਰਿਹਾ ਸੀ ਅਤੇ ਜਿਸ ਨੂੰ ਮਾਰਚ ਵਿੱਚ ਦਿੱਲੀ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਸੀ, ਉਸ ਨੇ ਵੀ ਗੁੜਗਾਓਂ ਦੇ ਇੱਕ ਪ੍ਰਾਈਵੇਟ ਕਲੀਨਿਕ ਵਿੱਚ ਦੰਦਾਂ ਦਾ ਇਲਾਜ ਕਰਵਾਇਆ ਸੀ।
ਜਲਦੀ ਹੀ ਦਾਇਰ ਹੋਣ ਵਾਲੀ ਚਾਰਜਸ਼ੀਟ ਵਿੱਚ ਸਪੈਸ਼ਲ ਸੈੱਲ ਨੇ ਇਨ੍ਹਾਂ ਇਲਾਜਾਂ ਦੀ ਪੂਰੀ ਜਾਣਕਾਰੀ ਦਿੱਤੀ ਹੈ। ਲੋਨ ਨੂੰ ਮਾਰਚ ਵਿੱਚ ਉਦੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਜਦੋਂ ਪੁਲਿਸ ਨੇ ਉਸ ਦੇ ਸੈੱਲ ਦੇ ਉਨ੍ਹਾਂ ਕਥਿਤ ਮੈਂਬਰਾਂ ਦਾ ਪਤਾ ਲਗਾਇਆ ਸੀ ਜਿਨ੍ਹਾਂ ਨੂੰ ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ ਤੋਂ ਭਰਤੀ ਕੀਤਾ ਗਿਆ ਸੀ। ਇਨ੍ਹਾਂ ਲੋਕਾਂ ਨੇ AI ਸਮਿਟ ਤੋਂ ਪਹਿਲਾਂ ਸ਼ਹਿਰ ਵਿੱਚ ਭੜਕਾਊ ਪੋਸਟਰ ਲਗਾਏ ਸਨ।
ਸਾਜਿਦ ਮੀਰ ਤੋਂ ਪ੍ਰੇਰਿਤ
ਦਿਲਚਸਪ ਗੱਲ ਇਹ ਹੈ ਕਿ ਉਨ੍ਹਾਂ ਦੀ ਪ੍ਰੇਰਨਾ 26/11 ਦਾ ਸਾਜ਼ਿਸ਼ਕਰਤਾ ਸਾਜਿਦ ਮੀਰ ਲੱਗਦਾ ਹੈ, ਜਿਸ ਨੇ ਸਾਲਾਂ ਪਹਿਲਾਂ ਆਪਣਾ ਹੁਲੀਆ ਬਦਲਣ ਲਈ ਪਲਾਸਟਿਕ ਸਰਜਰੀ ਕਰਵਾਈ ਸੀ। ਚਿਹਰੇ ਵਿੱਚ ਬਦਲਾਅ ਕਰਕੇ ਅੱਤਵਾਦੀ ਜਾਅਲੀ ਪਾਸਪੋਰਟ ਬਣਵਾ ਲੈਂਦੇ ਹਨ ਅਤੇ ਸਰਹੱਦ ਪਾਰ ਕਰ ਲੈਂਦੇ ਹਨ।
ਲਸ਼ਕਰ ਦੇ ਗੁਰਗੇ ਉਸਮਾਨ ਜੱਟ ਉਰਫ਼ 'ਚੀਨੀ' ਨੇ ਪੁੱਛਗਿੱਛ ਕਰਨ ਵਾਲਿਆਂ ਦੇ ਸਾਹਮਣੇ ਕਬੂਲ ਕੀਤਾ ਕਿ ਵਾਲਾਂ ਦੇ ਤੇਜ਼ੀ ਨਾਲ ਝੜਨ ਕਾਰਨ ਉਸ ਦਾ ਆਤਮ-ਵਿਸ਼ਵਾਸ ਅਤੇ ਆਤਮ-ਸਨਮਾਨ ਬੁਰੀ ਤਰ੍ਹਾਂ ਟੁੱਟ ਗਿਆ ਸੀ। ਰੋਜ਼ਾਨਾ ਦੀ ਜ਼ਿੰਦਗੀ ਦੀ ਹਕੀਕਤ ਨੇ ਉਸ ਦੇ ਜੋਸ਼ ਨੂੰ ਠੰਡਾ ਕਰ ਦਿੱਤਾ, ਜੋ ਟ੍ਰੇਨਿੰਗ ਕੈਂਪਾਂ ਵਿੱਚ ਉਸ ਨੂੰ ਸਿਖਾਏ ਗਏ ਹਮਲਾਵਰ ਪ੍ਰੋਪੇਗੰਡਾ ਦੇ ਬਿਲਕੁਲ ਉਲਟ ਸੀ।
ਮਿਸ਼ਨ ਭੁੱਲ ਕੇ ਝੜਦੇ ਵਾਲਾਂ ਨੂੰ ਦਿੱਤੀ ਅਹਿਮਤੀਅਤ
ਉਸ ਨੇ ਆਪਣੇ ਸੌਂਪੇ ਗਏ ਮਿਸ਼ਨ ਦੀ ਬਜਾਏ ਆਪਣੇ ਝੜਦੇ ਵਾਲਾਂ ਨੂੰ ਜ਼ਿਆਦਾ ਅਹਿਮਤੀਅਤ ਦਿੱਤੀ। ਮਾਨਸਿਕ ਸਿਹਤ ਮਾਹਿਰਾਂ ਅਨੁਸਾਰ, ਜੱਟ ਦਾ ਮਾਮਲਾ ਇਸ ਗੱਲ ਦੀ ਇੱਕ ਬਿਹਤਰੀਨ ਉਦਾਹਰਣ ਹੈ ਕਿ ਕਿਵੇਂ ਨਿੱਜੀ ਦਿਖਾਵਾ ਅਤੇ ਮਾਨਸਿਕ ਪਰੇਸ਼ਾਨੀ, ਕੱਟੜਪੰਥੀ ਸੋਚ 'ਤੇ ਭਾਰੀ ਪੈ ਸਕਦੀ ਹੈ।
ਜਾਂਚਕਰਤਾਵਾਂ ਦਾ ਕੀ ਮੰਨਣਾ ਹੈ
ਹਾਲਾਂਕਿ, ਇੱਕ ਜਾਂਚਕਰਤਾ ਦਾ ਕਹਿਣਾ ਹੈ ਕਿ ਇਹਨਾਂ ਘਟਨਾਵਾਂ ਨੂੰ ਮਹਿਜ਼ ਕੁਝ ਵੱਖਰੇ ਮਾਮਲੇ ਮੰਨ ਕੇ ਨਜ਼ਰਅੰਦਾਜ਼ ਕਰਨਾ ਆਸਾਨ ਹੈ ਪਰ ਇਸ ਗੱਲ ਦੀ ਵੀ ਪੂਰੀ ਸੰਭਾਵਨਾ ਹੈ ਕਿ ਕਾਸਮੈਟਿਕ ਸਰਜਰੀ ਪ੍ਰਤੀ ਇਹ ਜਨੂੰਨ ਆਪਣੀ ਪਛਾਣ ਬਦਲਣ ਅਤੇ ਅੰਤਰਰਾਸ਼ਟਰੀ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਤੋਂ ਬਚਣ ਲਈ ਹੈ।
ਸਾਜਿਦ ਮੀਰ ਅਤੇ ਕੋਲਡ ਵਾਰ ਦੌਰਾਨ ਦਾ ਕੁਖਿਆਤ ਕਾਤਲ 'ਕਾਰਲੋਸ ਦ ਜੈਕਲ', ਇਹਨਾਂ ਦੋਵਾਂ ਬਾਰੇ ਇਹ ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਨੇ ਆਪਣੇ ਚਿਹਰੇ ਵਿੱਚ ਵੱਡੇ ਬਦਲਾਅ ਕਰਵਾਏ ਸਨ। ਇੱਕ ਪੁਲਿਸ ਅਧਿਕਾਰੀ ਦਾ ਕਹਿਣਾ ਹੈ, "ਇਸ ਨਾਲ ਉਨ੍ਹਾਂ ਨੂੰ ਜਾਅਲੀ ਪਾਸਪੋਰਟਾਂ ਦੀ ਵਰਤੋਂ ਕਰਕੇ ਸਰਹੱਦਾਂ ਪਾਰ ਯਾਤਰਾ ਕਰਨ ਵਿੱਚ ਮਦਦ ਮਿਲੀ ਅਤੇ ਹਵਾਈ ਅੱਡਿਆਂ 'ਤੇ ਲੱਗੇ ਆਟੋਮੈਟਿਕ ਅਲਾਰਮ ਵੀ ਨਹੀਂ ਵੱਜੇ।"