ਟਰੰਪ ਨਾਲ ਡੈਲ ਦੇ CEO ਦੀ ਪਤਨੀ ਦੀ ਤਸਵੀਰ ਵਾਇਰਲ, ਚਿਹਰੇ ਦੇ ਹਾਵ-ਭਾਵ ਨੂੰ ਲੈ ਕੇ ਕਿਉਂ ਉਡਾਇਆ ਜਾ ਰਿਹਾ ਮਜ਼ਾਕ?

ਕੁਝ ਸੋਸ਼ਲ ਮੀਡੀਆ ਯੂਜ਼ਰਜ਼ ਨੇ ਅੰਦਾਜ਼ਾ ਲਗਾਇਆ ਕਿ ਸੂਜ਼ਨ ਡੈਲ ਨੇ ਕਾਸਮੈਟਿਕ ਸਰਜਰੀ ਕਰਵਾਈ ਹੋ ਸਕਦੀ ਹੈ। ਹਾਲਾਂਕਿ, ਸੋਸ਼ਲ ਮੀਡੀਆ ’ਤੇ ਲਗਾਈਆਂ ਜਾ ਰਹੀਆਂ ਅਟਕਲਾਂ ਤੋਂ ਇਹ ਸਾਬਤ ਨਹੀਂ ਹੁੰਦਾ ਕਿ ਉਨ੍ਹਾਂ ਨੇ ਕੋਈ ਕਾਸਮੈਟਿਕ ਪ੍ਰਕਿਰਿਆ ਕਰਵਾਈ ਹੈ ਜਾਂ ਨਹੀਂ। ਨਾ ਹੀ ਸੂਜ਼ਨ ਡੈਲ ਤੇ ਨਾ ਹੀ ਉਨ੍ਹਾਂ ਦੇ ਨੁਮਾਇੰਦਿਆਂ ਨੇ ਜਨਤਕ ਤੌਰ ’ਤੇ ਅਜਿਹੇ ਦਾਅਵਿਆਂ ਦੀ ਪੁਸ਼ਟੀ ਕੀਤੀ ਹੈ। ਸੋਸ਼ਲ ਮੀਡੀਆ ’ਤੇ ਇੱਕ ਯੂਜ਼ਰ ਨੇ ਲਿਖਿਆ, “ਕਾਸਮੈਟਿਕ ਸਰਜਰੀ ਦੀ ਲਤ ਕੁਝ ਇਸ ਤਰ੍ਹਾਂ ਦਿਖਾਈ ਦਿੰਦੀ ਹੈ। ਜਦੋਂ ਤੁਹਾਡੇ ਕੋਲ ਬੇਅੰਤ ਪੈਸਾ ਹੋਵੇ, ਤਾਂ ਵੀ ਤੁਸੀਂ ਕਦੇ ਪੂਰੀ ਤਰ੍ਹਾਂ ਸੰਤੁਸ਼ਟ ਨਹੀਂ ਹੋ ਸਕਦੇ। ਇਹ ਸੱਚਮੁੱਚ ਦੁਖਦਾਈ ਹੈ।”