Honda City ਨੂੰ ਖਰੀਦਣਾ ਹੋਇਆ ਮਹਿੰਗਾ, ਹੁਣ ਕਿੰਨੀ ਵਧ ਗਈ ਕੀਮਤ, ਜਾਣੋ ਸਾਰੇ ਵੇਰੀਐਂਟਸ ਦੀ ਨਵੀਂ ਕੀਮਤ

ਆਟੋ ਡੈਸਕ, ਨਵੀਂ ਦਿੱਲੀ : ਭਾਰਤੀ ਬਾਜ਼ਾਰ ’ਚ Honda ਵੱਲੋਂ ਕਈ ਸੈਗਮੈਂਟਾਂ ’ਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਮਿਡ-ਸਾਈਜ਼ ਸੈਡਾਨ ਕਾਰ ਦੇ ਤੌਰ 'ਤੇ Honda City ਵੀ ਪੇਸ਼ ਕੀਤੀ ਜਾਂਦੀ ਹੈ। ਰਿਪੋਰਟਾਂ ਮੁਤਾਬਕ ਇਸ ਗੱਡੀ ਦੀ ਕੀਮਤ ’ਚ ਹਾਲ ਹੀ ’ਚ ਵਾਧਾ ਕੀਤਾ ਗਿਆ ਹੈ। ਹੁਣ ਇਸ ਦੀ ਕੀਮਤ ਕਿੰਨੀ ਵਧਾਈ ਗਈ ਹੈ ਤੇ ਕਿਸ ਵੇਰੀਐਂਟ ਦੀ ਕੀਮਤ ਕਿੰਨੀ ਹੋ ਗਈ ਹੈ, ਇਸ ਬਾਰੇ ਅਸੀਂ ਤੁਹਾਨੂੰ ਇਸ ਖ਼ਬਰ ’ਚ ਦੱਸ ਰਹੇ ਹਾਂ।

ਮਹਿੰਗੀ ਹੋਈ Honda City

Honda ਵੱਲੋਂ ਪੇਸ਼ ਕੀਤੀ ਜਾਣ ਵਾਲੀ ਸੈਡਾਨ ਕਾਰ City ਦੀ ਕੀਮਤ ਵਧਾ ਦਿੱਤੀ ਗਈ ਹੈ। ਨਿਰਮਾਤਾ ਵੱਲੋਂ ਨਵੀਆਂ ਕੀਮਤਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਲਾਗੂ ਵੀ ਕਰ ਦਿੱਤਾ ਗਿਆ ਹੈ।

ਕਿੰਨੀ ਵਧੀ ਕੀਮਤ?

ਜਾਣਕਾਰੀ ਮੁਤਾਬਕ Honda ਵੱਲੋਂ ਇਸ ਗੱਡੀ ਦੀ ਕੀਮਤ ’ਚ 35,900 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ। ਇਸ ਦੇ ਪੈਟਰੋਲ ਵੇਰੀਐਂਟਸ ਦੀ ਕੀਮਤ ’ਚ 20,800 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ। ਉੱਥੇ ਹੀ ਸਭ ਤੋਂ ਜ਼ਿਆਦਾ ਵਾਧਾ ਹਾਈਬ੍ਰਿਡ ਵੇਰੀਐਂਟਸ ਦੀ ਕੀਮਤ ’ਚ ਕੀਤਾ ਗਿਆ ਹੈ।

ਕਿਸ ਵੇਰੀਐਂਟ ਦੀ ਕੀਮਤ ਕਿੰਨੀ ਵਧੀ?

ਨਿਰਮਾਤਾ ਵੱਲੋਂ ਇਸ ਕਾਰ ਦੇ ਬੇਸ ਵੇਰੀਐਂਟ ਦੀ ਕੀਮਤ ’ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਪਰ ਇਸ ਦੇ ਹੋਰ ਸਾਰੇ ਵੇਰੀਐਂਟਸ ਦੀਆਂ ਕੀਮਤਾਂ ’ਚ 20,800 ਰੁਪਏ ਤੋਂ ਲੈ ਕੇ 35,900 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।

ਕੀ ਹੈ ਨਵੀਂ ਕੀਮਤ?

Honda City ਦੀ ਐਕਸ-ਸ਼ੋਰੂਮ ਕੀਮਤ 11.99 ਲੱਖ ਰੁਪਏ ਤੋਂ ਹੀ ਸ਼ੁਰੂ ਹੋ ਰਹੀ ਹੈ। ਇਸ ਦੇ ਟਾਪ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 17.44 ਲੱਖ ਰੁਪਏ ਰੱਖੀ ਗਈ ਹੈ। ਉੱਥੇ ਹੀ ਇਸ ਕਾਰ ਦੇ ਹਾਈਬ੍ਰਿਡ ਵਰਜ਼ਨ ਦੀ ਐਕਸ-ਸ਼ੋਰੂਮ ਕੀਮਤ ਵਧ ਕੇ 21.44 ਲੱਖ ਰੁਪਏ ਹੋ ਗਈ ਹੈ।

ਕਿਨ੍ਹਾਂ ਨਾਲ ਹੈ ਮੁਕਾਬਲਾ?

ਭਾਰਤੀ ਬਾਜ਼ਾਰ ’ਚ Honda ਵੱਲੋਂ City ਨੂੰ ਮਿਡ-ਸਾਈਜ਼ ਸੈਡਾਨ ਕਾਰ ਸੈਗਮੈਂਟ ’ਚ ਪੇਸ਼ ਕੀਤਾ ਜਾਂਦਾ ਹੈ। ਇਸ ਸੈਗਮੈਂਟ ’ਚ ਇਸ ਦਾ ਸਿੱਧਾ ਮੁਕਾਬਲਾ Hyundai Verna, Skoda Slavia ਤੇ Volkswagen Virtus ਵਰਗੀਆਂ ਕਾਰਾਂ ਨਾਲ ਹੁੰਦਾ ਹੈ।