ਸ਼ੁਭੇਂਦੂ ਅਧਿਕਾਰੀ ਨੇ ਮੰਦਰ ’ਚ ਬੈਠ ਕੇ ਖਾਧੀ ਮੱਛੀ, ਬਾਗੇਸ਼ਵਰ ਬਾਬਾ ਦੇ ਨਾਨ-ਵੈਜ ਨਾ ਖਾਣ ਵਾਲੇ ਵਿਵਾਦ ਨੂੰ ਕੀਤਾ ਖ਼ਤਮ

ਡਿਜੀਟਲ ਡੈਸਕ, ਕੋਲਕਾਤਾ : ਬੰਗਾਲ ਦੇ ਮੁੱਖ ਮੰਤਰੀ ਸ਼ੁਭੇਂਦੂ ਅਧਿਕਾਰੀ ਨੇ ਕਾਲੀਘਾਟ ਸਥਿਤ ਮਾਂ ਕਾਲੀ ਦੇ ਮੰਦਰ ’ਚ ਬੈਠ ਕੇ ਮੱਛੀ ਖਾਧੀ। ਇਸ ਤੋਂ ਅਜਿਹਾ ਲੱਗ ਰਿਹਾ ਹੈ ਕਿ ਭਾਰਤੀ ਜਨਤਾ ਪਾਰਟੀ ਬਾਬਾ ਬਾਗੇਸ਼ਵਰ ਦੇ ਦੁਰਗਾ ਪੂਜਾ ਦੌਰਾਨ ਨਾਨ-ਵੈਜ ਨਾ ਖਾਣ ਵਾਲੇ ਵਿਵਾਦ ਨੂੰ ਖ਼ਤਮ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।

ਅਧਿਕਾਰੀ ਨੇ ਕੱਲ੍ਹ ਸ਼ਾਮ ਕੌਸ਼ਿਕੀ ਮੱਸਿਆ ਮੌਕੇ ’ਤੇ ਕਾਲੀਘਾਟ ਦਾ ਦੌਰਾ ਕੀਤਾ। ਸ਼ਾਕਤ ਹਿੰਦੂਆਂ ’ਚ ਇਸ ਦਿਨ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ। ਇੱਕ ਵੀਡੀਓ ’ਚ ਉਨ੍ਹਾਂ ਨੂੰ ਜ਼ਮੀਨ ’ਤੇ ਬੈਠ ਕੇ ਭੋਗ ਖਾਂਦੇ ਹੋਏ ਦੇਖਿਆ ਗਿਆ। ਇਸ ਭੋਗ ਦੀ ਥਾਲੀ ’ਚ ਮੱਛੀ ਦਾ ਇੱਕ ਵੱਡਾ ਸਿਰ ਵੀ ਸ਼ਾਮਲ ਸੀ, ਜੋ ਕਾਲੀਘਾਟ ਦੇ ਭੋਗ ਦੀ ਖ਼ਾਸੀਅਤ ਮੰਨੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਥਾਲੀ ’ਚ ਫ੍ਰਾਈਡ ਫਿਸ਼ ਤੇ ਬਸੰਤੀ ਪੁਲਾਓ (ਪੀਲੇ ਚੌਲ) ਵੀ ਸਨ।