ਜੇ ਗੱਲਬਾਤ 'ਚ ਹੁੰਦੀ ਹੈ ਝਿਜਕ? ਤੁਹਾਡਾ ਕੌਨਫਿਡੈਂਸ ਤੇ ਕਮਿਊਨੀਕੇਸ਼ਨ ਸਕਿੱਲ ਵਧਾ ਸਕਦੇ ਹਨ ਇਹ 3 ਰਤਨ

ਧਰਮ ਡੈਸਕ, ਨਵੀਂ ਦਿੱਲੀ : ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਅਸੀਂ ਬਹੁਤ ਕੁਝ ਕਹਿਣਾ ਚਾਹੁੰਦੇ ਹਾਂ, ਪਰ ਸਹੀ ਸਮੇਂ 'ਤੇ ਸ਼ਬਦ ਹੀ ਨਹੀਂ ਮਿਲਦੇ। ਚਾਰ ਲੋਕਾਂ ਦੇ ਵਿਚਕਾਰ ਜਾਂ ਕਿਸੇ ਜ਼ਰੂਰੀ ਮੀਟਿੰਗ 'ਚ ਆਪਣੀ ਗੱਲ ਰੱਖਣੀ ਹੋਵੇ ਤਾਂ ਅਚਾਨਕ ਘਬਰਾਹਟ ਹੋਣ ਲੱਗਦੀ ਹੈ। ਜੇਕਰ ਤੁਹਾਡੇ ਨਾਲ ਵੀ ਅਜਿਹਾ ਹੁੰਦਾ ਹੈ ਤਾਂ ਪਰੇਸ਼ਾਨ ਹੋਣ ਦੀ ਜ਼ਰੂਰਤ ਨਹੀਂ ਹੈ।

ਰਤਨ ਸ਼ਾਸਤਰ 'ਚ ਕੁਝ ਅਜਿਹੇ ਖਾਸ ਰਤਨਾਂ ਬਾਰੇ ਦੱਸਿਆ ਗਿਆ ਹੈ ਜੋ ਇਨਸਾਨ ਦੇ ਅੰਦਰ ਲੁਕੇ ਡਰ ਨੂੰ ਖਤਮ ਕਰ ਕੇ ਉਸਦਾ ਆਤਮਵਿਸ਼ਵਾਸ (Confidence) ਜਗਾਉਂਦੇ ਹਨ। ਇਨ੍ਹਾਂ ਰਤਨਾਂ ਨੂੰ ਪਹਿਨਣ ਨਾਲ ਨਾ ਸਿਰਫ਼ ਮਨ ਦੀ ਝਿਜਕ ਦੂਰ ਹੁੰਦੀ ਹੈ, ਸਗੋਂ ਦੂਜਿਆਂ ਨਾਲ ਗੱਲ ਕਰਨ ਦਾ ਤਰੀਕਾ (Communication Skill) ਵੀ ਬਹੁਤ ਪ੍ਰਭਾਵਸ਼ਾਲੀ ਹੋ ਜਾਂਦਾ ਹੈ। ਆਓ ਜਾਣਦੇ ਹਾਂ ਅਜਿਹੇ ਹੀ 3 ਖਾਸ ਰਤਨਾਂ ਬਾਰੇ:

1. ਪੰਨਾ (Emerald)

ਰਤਨ ਸ਼ਾਸਤਰ 'ਚ ਪੰਨਾ ਨੂੰ ਸਿੱਧੇ ਤੌਰ 'ਤੇ 'ਬੁੱਧ' ਗ੍ਰਹਿ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਜੋਤਿਸ਼ 'ਚ ਬੁੱਧ ਨੂੰ ਬੁੱਧੀ, ਸਮਝਦਾਰੀ ਤੇ ਬਿਹਤਰੀਨ ਕਮਿਊਨੀਕੇਸ਼ਨ ਦਾ ਦੇਵਤਾ ਮੰਨਿਆ ਗਿਆ ਹੈ। ਪੰਨਾ ਪਹਿਨਣ ਨਾਲ ਦਿਮਾਗ ਦੀਆਂ ਉਲਝਣਾਂ ਦੂਰ ਹੁੰਦੀਆਂ ਹਨ, ਸੋਚ ਵਿਚ ਕਲੈਰਿਟੀ ਆਉਂਦੀ ਹੈ ਤੇ ਇਨਸਾਨ ਬਿਨਾਂ ਕਿਸੇ ਡਰ ਦੇ ਆਪਣੀ ਗੱਲ ਦੂਜਿਆਂ ਦੇ ਸਾਹਮਣੇ ਰੱਖ ਪਾਉਂਦਾ ਹੈ। ਇਸਦਾ ਸਿੱਧਾ ਫਾਇਦਾ ਤੁਹਾਡੀ ਨੌਕਰੀ ਤੇ ਬਿਜ਼ਨੈੱਸ 'ਚ ਵੀ ਦੇਖਣ ਨੂੰ ਮਿਲਦਾ ਹੈ।

2. ਪੈਰੀਡੋਟ (Peridot)

ਜੇਕਰ ਤੁਸੀਂ ਪੰਨਾ ਨਹੀਂ ਪਹਿਨ ਪਾ ਰਹੇ ਹੋ ਜਾਂ ਉਹ ਤੁਹਾਨੂੰ ਬਹੁਤ ਮਹਿੰਗਾ ਪੈ ਰਿਹਾ ਹੈ ਤਾਂ ਤੁਸੀਂ ਪੈਰੀਡੋਟ ਪਹਿਨ ਸਕਦੇ ਹੋ। ਇਸਨੂੰ ਪੰਨਾ ਦਾ ਹੀ ਬਦਲ ਮੰਨਿਆ ਜਾਂਦਾ ਹੈ। ਪੈਰੀਡੋਟ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਇਹ ਅਸ਼ਾਂਤ ਮਨ ਨੂੰ ਸ਼ਾਂਤ ਕਰਦਾ ਹੈ। ਜਦੋਂ ਮਨ ਸ਼ਾਂਤ ਹੁੰਦਾ ਹੈ ਤਾਂ ਅੰਦਰੋਂ ਉਹ ਆਤਮਵਿਸ਼ਵਾਸ ਛਲਕਣ ਲੱਗਦਾ ਹੈ, ਜੋ ਤੁਹਾਨੂੰ ਭੀੜ ਦੇ ਵਿਚਕਾਰ ਵੀ ਖੁੱਲ੍ਹ ਕੇ ਬੋਲਣ ਦੀ ਤਾਕਤ ਦਿੰਦਾ ਹੈ।

3. ਪੁਖਰਾਜ (Yellow Sapphire)

ਪੁਖਰਾਜ ਨੂੰ ਦੁਨੀਆ ਦੇ ਸਭ ਤੋਂ ਪਾਵਰਫੁਲ ਰਤਨਾਂ 'ਚ ਗਿਣਿਆ ਜਾਂਦਾ ਹੈ। ਅਜਿਹਾ ਕਿਹਾ ਜਾਂਦਾ ਹੈ ਕਿ ਪੁਖਰਾਜ ਧਾਰਨ ਕਰਨ ਵਾਲੇ ਇਨਸਾਨ ਦੀਆਂ ਗੱਲਾਂ 'ਚ ਇਕ ਖਾਸ ਤਰ੍ਹਾਂ ਦਾ ਵਜ਼ਨ ਆ ਜਾਂਦਾ ਹੈ। ਤੁਹਾਡਾ ਬੋਲਣ ਦਾ ਤਰੀਕਾ ਇੰਨਾ ਸਧਿਆ ਹੋਇਆ ਤੇ ਸਪਸ਼ਟ ਹੋ ਜਾਂਦਾ ਹੈ ਕਿ ਸਾਹਮਣੇ ਵਾਲਾ ਤੁਹਾਡੀ ਗੱਲ ਸੁਣਨ ਲਈ ਮਜ਼ਬੂਰ ਹੋ ਜਾਂਦਾ ਹੈ।

ਰਤਨ ਸ਼ਾਸਤਰ ਅਨੁਸਾਰ, ਪੁਖਰਾਜ, ਪੈਰੀਡੋਟ ਤੇ ਪੰਨਾ ਤੁਹਾਡੇ ਜੀਵਨ ਨੂੰ ਕਿਤੇ ਨਾ ਕਿਤੇ ਬਦਲਣ ਦੀ ਤਾਕਤ ਰੱਖਦੇ ਹਨ। ਲੰਬੇ ਸਮੇਂ ਤੋਂ ਚੱਲ ਰਹੀ ਪਰੇਸ਼ਾਨੀ ਦਾ ਹੱਲ ਇਹ ਤਿੰਨ ਜੈਮਸਟੋਨ ਤੁਹਾਨੂੰ ਦਿਵਾ ਸਕਦੇ ਹਨ। ਤਾਂ ਜੇਕਰ, ਤੁਹਾਡਾ ਵੀ ਆਤਮ ਵਿਸ਼ਵਾਸ ਲੋਕਾਂ ਦੇ ਵਿਚਕਾਰ ਡਗਮਗਾ ਜਾਂਦਾ ਹੈ ਤਾਂ ਇਕ ਵਾਰ ਇਨ੍ਹਾਂ ਰਤਨਾਂ ਨੂੰ ਪਹਿਨ ਕੇ ਜ਼ਰੂਰ ਖੁਦ ਨੂੰ ਅਜ਼ਮਾਉਣ ਦੀ ਕੋਸ਼ਿਸ਼ ਕਰੋ।