- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬੱਚੇ ਦੀ ਜਨਮ ਤਰੀਕ 'ਚ ਲੁਕੇ ਹਨ ਸੁਭਾਅ ਦੇ ਕਈ ਰਾਜ਼, ਮੁਲਾਂਕ ਰਾਹੀਂ ਸਮਝੋ ਭਵਿੱਖ ਤੇ ਤਿਉਹਾਰਾਂ ਦੇ ਖਾਸ ਉਪਾਅ
ਬੱਚੇ ਦੀ ਜਨਮ ਤਰੀਕ ਤੋਂ ਉਸ ਦਾ ਮੁਲਾਂਕ ਤੈਅ ਹੁੰਦਾ ਹੈ, ਜੋ ਉਸ ਦੇ ਕੁਦਰਤੀ ਵਿਹਾਰ ਨੂੰ ਦਰਸਾਉਂਦਾ ਹੈ। ਉੱਥੇ ਹੀ, ਪੂਰੀ ਜਨਮ ਤਰੀਕ ਦਾ ਜੋੜ ਉਸ ਦਾ ਭਾਗਯਾਂਕ ਹੁੰਦਾ ਹੈ ਜੋ ਉਸ ਦੇ ਜੀਵਨ ਦੇ ਵਿਆਪਕ ਰਸਤੇ ਨੂੰ ਦਰਸਾਉਂਦਾ ਹੈ। ਨਰਾਤੇ, ਦੀਵਾਲੀ ਤੇ ਨਵੇਂ ਸਾਲ ਵਰਗੇ ਤਿਉਹਾਰ ਬੱਚਿਆਂ 'ਚ ਸਕਾਰਾਤਮਕ ਆਦਤਾਂ ਪੈਦਾ ਕਰਨ ਅਤੇ ਇਨ੍ਹਾਂ ਊਰਜਾਵਾਂ ਨੂੰ ਸੰਤੁਲਿਤ ਕਰਨ ਦਾ ਵਧੀਆ ਮੌਕਾ ਹੁੰਦੇ ਹਨ।
Posted By Seema Anand
Publish Date: Sun, 20 Sep 2026 01:21 PM (IST)
Updated Date: Sun, 20 Sep 2026 01:33 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਹਰੇਕ ਮਾਤਾ-ਪਿਤਾ ਚਾਹੁੰਦੇ ਹਨ ਕਿ ਉਨ੍ਹਾਂ ਦੀ ਔਲਾਦ ਦਾ ਜੀਵਨ ਹਮੇਸ਼ਾ ਰੌਸ਼ਨ ਰਹੇ। ਹਰ ਬੱਚਾ ਦੁਨੀਆ 'ਚ ਆਪਣੀ ਵੱਖਰੀ ਵਾਈਬ ਤੇ ਯੂਨੀਕ ਪਰਸਨੈਲਿਟੀ ਲੈ ਕੇ ਆਉਂਦਾ ਹੈ। ਤੁਸੀਂ ਵੀ ਦੇਖਿਆ ਹੋਵੇਗਾ ਕਿ ਇੱਕੋ ਛੱਤ ਹੇਠ ਪਲੇ-ਵਧੇ ਦੋ ਬੱਚਿਆਂ ਦਾ ਪੜ੍ਹਾਈ, ਅਨੁਸ਼ਾਸਨ ਅਤੇ ਤਣਾਅ ਨੂੰ ਸੰਭਾਲਣ ਦਾ ਤਰੀਕਾ ਕਿੰਨਾ ਵੱਖਰਾ ਹੁੰਦਾ ਹੈ।
ਵੈਦਿਕ ਨਿਊਮਰੋਲੋਜੀ ਜਾਂ ਅੰਕਸ਼ਾਸਤਰ ਮਾਤਾ-ਪਿਤਾ ਲਈ ਇਕ ਅਜਿਹਾ ਜ਼ਰੀਆ ਹੈ ਜਿਸ ਨਾਲ ਉਹ ਆਪਣੇ ਬੱਚਿਆਂ ਦੇ ਸੁਭਾਅ, ਉਨ੍ਹਾਂ ਦੇ ਸਿੱਖਣ ਦੇ ਤਰੀਕੇ ਅਤੇ ਫੋਕਸ ਕਰਨ ਦੀ ਸਮਰੱਥਾ ਨੂੰ ਆਸਾਨੀ ਨਾਲ ਸਮਝ ਸਕਦੇ ਹਨ।
ਬੱਚੇ ਦੀ ਜਨਮ ਤਰੀਕ ਤੋਂ ਉਸ ਦਾ ਮੁਲਾਂਕ ਤੈਅ ਹੁੰਦਾ ਹੈ, ਜੋ ਉਸ ਦੇ ਕੁਦਰਤੀ ਵਿਹਾਰ ਨੂੰ ਦਰਸਾਉਂਦਾ ਹੈ। ਉੱਥੇ ਹੀ, ਪੂਰੀ ਜਨਮ ਤਰੀਕ ਦਾ ਜੋੜ ਉਸ ਦਾ ਭਾਗਯਾਂਕ ਹੁੰਦਾ ਹੈ ਜੋ ਉਸ ਦੇ ਜੀਵਨ ਦੇ ਵਿਆਪਕ ਰਸਤੇ ਨੂੰ ਦਰਸਾਉਂਦਾ ਹੈ। ਨਰਾਤੇ, ਦੀਵਾਲੀ ਤੇ ਨਵੇਂ ਸਾਲ ਵਰਗੇ ਤਿਉਹਾਰ ਬੱਚਿਆਂ 'ਚ ਸਕਾਰਾਤਮਕ ਆਦਤਾਂ ਪੈਦਾ ਕਰਨ ਅਤੇ ਇਨ੍ਹਾਂ ਊਰਜਾਵਾਂ ਨੂੰ ਸੰਤੁਲਿਤ ਕਰਨ ਦਾ ਵਧੀਆ ਮੌਕਾ ਹੁੰਦੇ ਹਨ।
ਸਹੀ ਤਾਲਮੇਲ ਜ਼ਰੂਰੀ
ਸਿਰਫ਼ ਮੁਲਾਂਕ ਨਾਲ ਪੂਰੀ ਸਥਿਤੀ ਸਪੱਸ਼ਟ ਨਹੀਂ ਹੁੰਦੀ। ਸਹੀ ਮਾਰਗਦਰਸ਼ਨ ਲਈ ਮੁਲਾਂਕ ਤੇ ਭਾਗਯਾਂਕ ਦੋਵਾਂ ਦੇ ਸੁਮੇਲ, ਬੱਚੇ ਦੇ ਪੜ੍ਹਾਈ ਵਾਲੇ ਕਮਰੇ ਦੀ ਦਿਸ਼ਾ ਅਤੇ ਪੜ੍ਹਾਈ ਦੇ ਮਾਹੌਲ ਨੂੰ ਇਕੱਠੇ ਦੇਖਣਾ ਜ਼ਰੂਰੀ ਹੈ।
ਅੰਕਸ਼ਾਸਤਰ ਦਾ ਉਦੇਸ਼ ਬੱਚਿਆਂ ਨੂੰ ਕਿਸੇ ਦਾਇਰੇ 'ਚ ਬੰਨ੍ਹਣਾ ਨਹੀਂ ਹੈ, ਸਗੋਂ ਉਨ੍ਹਾਂ ਨੂੰ ਸਮਝਣ ਦਾ ਮਾਧਿਅਮ ਬਣਾਉਣਾ ਹੈ। ਮਾਤਾ-ਪਿਤਾ ਨੂੰ ਇਹ ਪੁੱਛਣ ਦੀ ਬਜਾਏ ਕਿ- 'ਮੇਰਾ ਬੱਚਾ ਦੂਜਿਆਂ ਵਰਗਾ ਕਿਉਂ ਨਹੀਂ ਹੈ?' ਇਹ ਪੁੱਛਣਾ ਚਾਹੀਦਾ ਹੈ- 'ਮੇਰੇ ਬੱਚੇ ਨੂੰ ਆਪਣਾ ਬਿਹਤਰੀਨ ਰੂਪ ਬਣਨ ਲਈ ਕਿਸ ਚੀਜ਼ ਦੀ ਲੋੜ ਹੈ?'
ਆਮ ਵਾਸਤੂ ਨਿਯਮਾਂ ਅਨੁਸਾਰ, ਬੱਚਿਆਂ ਦੀ ਪੜ੍ਹਾਈ ਲਈ ਪੂਰਬ ਜਾਂ ਉੱਤਰ-ਪੂਰਬ ਦਿਸ਼ਾ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ, ਬਸ਼ਰਤੇ ਉੱਥੇ ਰੌਸ਼ਨੀ ਤੇ ਵਿਵਸਥਾ ਚੰਗੀ ਹੋਵੇ।
ਮੁਲਾਂਕ ਅਨੁਸਾਰ ਜਾਣੋ ਬੱਚੇ ਦਾ ਸੁਭਾਅ ਤੇ ਤਿਉਹਾਰਾਂ ਦੇ ਉਪਾਅ
ਮੁਲਾਂਕ 1: (ਜਨਮ ਤਰੀਕ : 1, 10, 19, 28) | ਸਵਾਮੀ ਗ੍ਰਹਿ: ਸੂਰਜ
ਸੁਭਾਅ: ਇਸ ਮੁਲਾਂਕ ਵਾਲੇ ਬੱਚੇ ਤਾਰੀਫ਼ ਤੇ ਪਛਾਣ ਪਸੰਦ ਕਰਦੇ ਹਨ, ਪਰ ਦੂਜਿਆਂ ਨਾਲ ਤੁਲਨਾ ਕੀਤੇ ਜਾਣ 'ਤੇ ਦੁਖੀ ਹੋ ਜਾਂਦੇ ਹਨ।
ਤਿਉਹਾਰ ਦਾ ਉਪਾਅ: ਦੀਵਾਲੀ ਜਾਂ ਨਵੇਂ ਸਾਲ 'ਤੇ ਬੱਚੇ ਤੋਂ ਪੂਰਬ ਦਿਸ਼ਾ 'ਚ ਇਕ ਦੀਵਾ ਜਗਵਾਓ ਤੇ ਗੁੜ ਦਾ ਭੋਗ ਲਗਵਾਓ। ਬੱਚੇ ਨੂੰ ਕਹੋ ਕਿ ਉਹ ਆਪਣੀ ਇਕ ਤਾਕਤ ਅਤੇ ਇਕ ਸੁਧਾਰਨ ਵਾਲੀ ਗੱਲ ਕਾਗਜ਼ 'ਤੇ ਲਿਖੇ।
ਮਾਤਾ-ਪਿਤਾ ਲਈ: ਨਤੀਜਾ ਦੇਖਣ ਦੀ ਬਜਾਏ ਬੱਚੇ ਦੀਆਂ ਕੋਸ਼ਿਸ਼ਾਂ ਦੀ ਤਾਰੀਫ਼ ਕਰੋ।
ਮੁਲਾਂਕ 2: (ਜਨਮ ਤਰੀਕ : 2, 11, 20, 29) | ਸਵਾਮੀ ਗ੍ਰਹਿ: ਚੰਦਰਮਾ
ਸੁਭਾਅ: ਇਹ ਬੱਚੇ ਬਹੁਤ ਸੰਵੇਦਨਸ਼ੀਲ ਹੁੰਦੇ ਹਨ ਤੇ ਆਲੇ-ਦੁਆਲੇ ਦੇ ਮਾਹੌਲ ਦੀਆਂ ਭਾਵਨਾਵਾਂ ਨੂੰ ਜਲਦੀ ਆਪਣੇ ਅੰਦਰ ਸਮਾ ਲੈਂਦੇ ਹਨ।
ਤਿਉਹਾਰ ਦਾ ਉਪਾਅ: ਪੂਜਾ ਵਾਲੀ ਥਾਂ 'ਤੇ ਦੋ ਚਿੱਟੇ ਫੁੱਲ ਅਤੇ ਇੱਕ ਛੋਟੇ ਕਟੋਰੇ 'ਚ ਪਾਣੀ ਰੱਖੋ। ਪੂਜਾ ਤੋਂ ਬਾਅਦ ਇਸ ਪਾਣੀ ਨੂੰ ਕਿਸੇ ਪੌਦੇ 'ਚ ਪਾ ਦਿਓ।
ਸਕਾਰਾਤਮਕ ਆਦਤ: ਇਕ 'ਮੂਨ ਜਰਨਲ' ਬਣਾਓ, ਜਿਸ 'ਚ ਬੱਚਾ ਆਪਣੀ ਇੱਕ ਚਿੰਤਾ ਅਤੇ ਇੱਕ ਖੁਸ਼ੀ ਦੀ ਗੱਲ ਲਿਖੇ ਜਾਂ ਬਣਾਏ।
ਮੁਲਾਂਕ 3: (ਜਨਮ ਤਰੀਕ : 3, 12, 21, 30) | ਸਵਾਮੀ ਗ੍ਰਹਿ: ਬ੍ਰਹਿਸਪਤੀ (ਗੁਰੂ)
ਸੁਭਾਅ: ਗੁਰੂ ਗਿਆਨ ਤੇ ਵਿਸਥਾਰ ਦਾ ਪ੍ਰਤੀਕ ਹੈ। ਇਹ ਬੱਚੇ ਗਿਆਨ ਪ੍ਰਾਪਤ ਕਰਨ 'ਚ ਰੁਚੀ ਰੱਖਦੇ ਹਨ।
ਤਿਉਹਾਰ ਦਾ ਉਪਾਅ: ਈਸ਼ਾਨ ਕੋਣ (ਉੱਤਰ-ਪੂਰਬ) 'ਚ ਤਿੰਨ ਪੀਲੇ ਫੁੱਲ ਰੱਖੋ ਅਤੇ ਬੱਚੇ ਤੋਂ 3 ਕਿਤਾਬਾਂ ਜਾਂ ਸਟੇਸ਼ਨਰੀ ਦਾ ਸਾਮਾਨ ਕਿਸੇ ਲੋੜਵੰਦ ਨੂੰ ਦਾਨ ਕਰਵਾਓ।
ਸਕਾਰਾਤਮਕ ਆਦਤ: ਇਕ 'ਗੁਰੂ ਨੋਟਬੁੱਕ' ਬਣਾਓ, ਜਿਸ 'ਚ ਬੱਚਾ ਹਰ ਹਫ਼ਤੇ ਸਿੱਖੀ ਗਈ ਇੱਕ ਨਵੀਂ ਗੱਲ ਲਿਖੇ।
ਮੁਲਾਂਕ 4: (ਜਨਮ ਤਰੀਕ : 4, 13, 22, 31) | ਸਵਾਮੀ ਗ੍ਰਹਿ: ਰਾਹੂ
ਸੁਭਾਅ: ਇਹ ਬੱਚੇ ਵੱਖਰੇ ਤਰੀਕੇ ਨਾਲ ਸੋਚਦੇ ਹਨ ਅਤੇ ਇਨ੍ਹਾਂ ਨੂੰ ਲੀਕ ਤੋਂ ਹਟ ਕੇ ਇਕ ਵਿਵਸਥਿਤ ਢੰਗ ਦੀ ਲੋੜ ਹੁੰਦੀ ਹੈ।
ਤਿਉਹਾਰ ਦਾ ਉਪਾਅ: ਦੀਵਾਲੀ ਦੀ ਸਫਾਈ ਦੌਰਾਨ ਪੜ੍ਹਾਈ ਵਾਲੀ ਮੇਜ਼ ਤੋਂ 4 ਗੈਰ-ਜ਼ਰੂਰੀ ਚੀਜ਼ਾਂ ਹਟਾਓ ਤੇ ਮੇਜ਼ ਨੂੰ 4 ਹਿੱਸਿਆਂ 'ਚ ਵੰਡੋ (ਪੜ੍ਹਨ, ਲਿਖਣ, ਸਾਮਾਨ ਰੱਖਣ ਅਤੇ ਰਚਨਾਤਮਕ ਕੰਮ ਲਈ)।
ਸਕਾਰਾਤਮਕ ਆਦਤ: ਵਾਰ-ਵਾਰ ਕਹਿਣ ਦੀ ਬਜਾਏ ਇਕ ਵਿਜ਼ੂਅਲ ਟਾਈਮਟੇਬਲ ਬਣਾਓ।
ਮੁਲਾਂਕ 5: (ਜਨਮ ਤਰੀਕ: 5, 14, 23) | ਸਵਾਮੀ ਗ੍ਰਹਿ: ਬੁੱਧ
ਸੁਭਾਅ: ਇਹ ਬੱਚੇ ਗੱਲਬਾਤ ਕਰਨ ਵਾਲੇ ਅਤੇ ਉਤਸੁਕ ਹੁੰਦੇ ਹਨ, ਪਰ ਇੱਕੋ ਤਰ੍ਹਾਂ ਦੇ ਰੁਟੀਨ ਤੋਂ ਜਲਦੀ ਬੋਰ ਹੋ ਜਾਂਦੇ ਹਨ।
ਤਿਉਹਾਰ ਦਾ ਉਪਾਅ: ਤਿਉਹਾਰ 'ਤੇ 5 ਹਰੇ ਪੱਤੇ ਜਾਂ ਹਰੇ ਫਲ ਅਰਪਿਤ ਕਰੋ ਅਤੇ ਬਾਅਦ 'ਚ ਪ੍ਰਸਾਦ ਵਜੋਂ ਵੰਡ ਦਿਓ।
ਸਕਾਰਾਤਮਕ ਆਦਤ: '5-5 ਲਰਨਿੰਗ ਰੁਟੀਨ' ਸ਼ੁਰੂ ਕਰੋ: 5 ਮਿੰਟ ਪੁਰਾਣਾ ਰਿਵੀਜ਼ਨ ਅਤੇ 5 ਮਿੰਟ ਮਾਤਾ-ਪਿਤਾ ਨੂੰ ਕੋਈ ਨਵੀਂ ਗੱਲ ਸਮਝਾਉਣਾ।
ਮੁਲਾਂਕ 6: (ਜਨਮ ਤਰੀਕ : 6, 15, 24) | ਸਵਾਮੀ ਗ੍ਰਹਿ: ਸ਼ੁੱਕਰ
ਸੁਭਾਅ: ਇਹ ਬੱਚੇ ਸੁੰਦਰਤਾ ਅਤੇ ਸਜਾਵਟ ਤੋਂ ਬਹੁਤ ਪ੍ਰਭਾਵਿਤ ਹੁੰਦੇ ਹਨ।
ਤਿਉਹਾਰ ਦਾ ਉਪਾਅ: ਬੱਚੇ ਨੂੰ ਆਪਣਾ ਸਟਡੀ ਕਾਰਨਰ ਖੁਦ ਸਜਾਉਣ ਦਿਓ। ਉਸ ਤੋਂ 6 ਸਕਾਰਾਤਮਕ ਅਫਰਮੇਸ਼ਨ ਕਾਰਡ (ਜਿਵੇਂ: "ਮੈਂ ਆਪਣਾ ਕੰਮ ਪੂਰਾ ਕਰਦਾ/ਕਰਦੀ ਹਾਂ") ਬਣਵਾਓ ਅਤੇ ਮੇਜ਼ 'ਤੇ ਰੱਖੋ।
ਮਾਤਾ-ਪਿਤਾ ਲਈ: ਅਨੁਸ਼ਾਸਨ ਨੂੰ ਸਜ਼ਾ ਵਰਗਾ ਨਹੀਂ, ਸਗੋਂ ਆਕਰਸ਼ਕ ਅਤੇ ਭਾਵਨਾਤਮਕ ਬਣਾਓ।
ਮੁਲਾਂਕ 7: (ਜਨਮ ਤਾਰੀਖ: 7, 16, 25) | ਸਵਾਮੀ ਗ੍ਰਹਿ: ਕੇਤੂ
ਸੁਭਾਅ: ਇਨ੍ਹਾਂ ਨੂੰ ਗੱਲਾਂ ਨੂੰ ਡੂੰਘਾਈ ਨਾਲ ਸਮਝਣ ਲਈ ਇਕੱਲੇ ਅਤੇ ਸ਼ਾਂਤ ਸਮੇਂ ਦੀ ਲੋੜ ਹੁੰਦੀ ਹੈ।
ਤਿਉਹਾਰ ਦਾ ਉਪਾਅ: ਤਿਉਹਾਰ ਦੇ ਜਸ਼ਨ ਤੋਂ ਪਹਿਲਾਂ 7 ਮਿੰਟ ਦਾ 'ਸਕ੍ਰੀਨ-ਫ੍ਰੀ' ਮੌਨ ਰੱਖੋ, ਜਿਸ 'ਚ ਬੱਚਾ ਸਿਰਫ਼ ਸ਼ਾਂਤੀ ਨਾਲ ਬੈਠੇ, ਸਾਹ ਲਵੇ ਜਾਂ ਪੜ੍ਹੇ।
ਸਕਾਰਾਤਮਕ ਆਦਤ: 'ਮਾਈ ਕਵੈਸ਼ਚਨਜ਼' ਨਾਮ ਦੀ ਇਕ ਡਾਇਰੀ ਦਿਓ, ਜਿਸ 'ਚ ਉਹ ਆਪਣੇ ਮਨ 'ਚ ਉੱਠਣ ਵਾਲੇ ਅਨੋਖੇ ਸਵਾਲ ਲਿਖ ਸਕਣ।
ਮੁਲਾਂਕ 8: (ਜਨਮ ਤਰੀਕ : 8, 17, 26) | ਸਵਾਮੀ ਗ੍ਰਹਿ: ਸ਼ਨੀ
ਸੁਭਾਅ: ਸ਼ਨੀ ਅਨੁਸ਼ਾਸਨ, ਜ਼ਿੰਮੇਵਾਰੀ ਅਤੇ ਸਬਰ ਸਿਖਾਉਂਦਾ ਹੈ।
ਤਿਉਹਾਰ ਦਾ ਉਪਾਅ: ਬੱਚੇ ਨੂੰ 8 ਦਿਨਾਂ ਲਈ ਤਿਉਹਾਰ ਨਾਲ ਜੁੜਿਆ ਕੋਈ ਇੱਕ ਕੰਮ ਦਿਓ (ਜਿਵੇਂ ਪੌਦੇ ਨੂੰ ਪਾਣੀ ਦੇਣਾ ਜਾਂ ਆਪਣੀਆਂ ਕਿਤਾਬਾਂ ਵਿਵਸਥਿਤ ਕਰਨਾ)। ਕਿਸੇ ਇੱਕ ਦਿਨ ਘਰ ਦੇ ਮਦਦਗਾਰ ਨੂੰ ਕੋਈ ਉਪਯੋਗੀ ਚੀਜ਼ ਦਾਨ ਕਰਵਾਓ।
ਮਾਤਾ-ਪਿਤਾ ਲਈ: ਜ਼ਿੰਮੇਵਾਰੀ ਨੂੰ ਸਜ਼ਾ ਨਹੀਂ, ਸਗੋਂ ਸਸ਼ਕਤੀਕਰਨ ਵਜੋਂ ਮਹਿਸੂਸ ਕਰਵਾਓ।
ਮੁਲਾਂਕ 9: (ਜਨਮ ਤਰੀਕ : 9, 18, 27) | ਸਵਾਮੀ ਗ੍ਰਹਿ: ਮੰਗਲ
ਸੁਭਾਅ: ਇਨ੍ਹਾਂ ਬੱਚਿਆਂ 'ਚ ਸਰੀਰਕ ਅਤੇ ਭਾਵਨਾਤਮਕ ਊਰਜਾ ਦਾ ਭਰਪੂਰ ਭੰਡਾਰ ਹੁੰਦਾ ਹੈ।
ਤਿਉਹਾਰ ਦਾ ਉਪਾਅ: ਪੜ੍ਹਾਈ ਤੋਂ ਪਹਿਲਾਂ 9 ਮਿੰਟ ਦੀ ਸਰੀਰਕ ਗਤੀਵਿਧੀ (ਵਾਕ, ਸਟ੍ਰੈਚਿੰਗ) ਕਰਵਾਓ। ਤਿਉਹਾਰਾਂ ਦੌਰਾਨ ਉਨ੍ਹਾਂ ਤੋਂ 9 ਛੋਟੇ-ਛੋਟੇ ਮਦਦ ਦੇ ਕੰਮ ਕਰਵਾਓ।
ਮਾਤਾ-ਪਿਤਾ ਲਈ: ਤਾਕਤ ਉਦੋਂ ਹੋਰ ਪ੍ਰਭਾਵਸ਼ਾਲੀ ਬਣਦੀ ਹੈ ਜਦੋਂ ਉਹ ਕਿਸੇ ਸਹੀ ਉਦੇਸ਼ ਲਈ ਵਰਤੀ ਜਾਵੇ।
ਬੱਚੇ ਦੇ ਮੁਲਾਂਕ ਨੂੰ ਸਮਝਦੇ ਹੋਏ ਜੇ ਮਾਤਾ-ਪਿਤਾ ਉਸ ਦੀਆਂ ਖੂਬੀਆਂ, ਲੋੜਾਂ ਅਤੇ ਸਿੱਖਣ ਦੇ ਤਰੀਕੇ ਨੂੰ ਸਮਝ ਕੇ ਤਿਉਹਾਰਾਂ ਲਈ ਇੱਥੇ ਦੱਸੇ ਛੋਟੇ-ਛੋਟੇ ਉਪਾਅ ਅਜ਼ਮਾਉਣਗੇ, ਤਾਂ ਉਸ ਦਾ ਭਵਿੱਖ ਉਜਵਲ ਹੋਵੇਗਾ।
ਨੋਟ: ਮੁਲਾਂਕ, ਭਾਗਯਾਂਕ ਤੇ ਇਨ੍ਹਾਂ ਨਾਲ ਜੁੜੇ ਸੁਭਾਅ/ਉਪਾਅ ਅੰਕਸ਼ਾਸਤਰ ਅਤੇ ਪਰੰਪਰਾਗਤ ਮਾਨਤਾਵਾਂ 'ਤੇ ਆਧਾਰਿਤ ਹਨ।