- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Ahoi Ashtami Fasting Rules: ਅਹੋਈ ਅਸ਼ਟਮੀ ’ਤੇ ਬੱਦਲਾਂ ਕਾਰਨ ਨਾ ਦਿਖਣ ਤਾਰੇ ਤਾਂ ਕਿਵੇਂ ਖੋਲ੍ਹੀਏ ਵਰਤ? ਸ਼ਾਸਤਰਾਂ 'ਚ ਦੱਸੇ ਗਏ ਹਨ ਇਹ ਨਿਯਮ
ਅਹੋਈ ਅਸ਼ਟਮੀ ਦਾ ਵਰਤ ਸੰਤਾਨ ਦੀ ਲੰਬੀ ਉਮਰ, ਚੰਗੀ ਸਿਹਤ ਅਤੇ ਸੁਖੀ ਜੀਵਨ ਦੀ ਕਾਮਨਾ ਲਈ ਰੱਖਿਆ ਜਾਂਦਾ ਹੈ। ਇਸ ਦਿਨ ਮਾਵਾਂ ਅਹੋਈ ਮਾਤਾ ਦੀ ਪੂਜਾ-ਅਰਚਨਾ ਕਰਦੀਆਂ ਹਨ ਅਤੇ ਪੂਰਾ ਦਿਨ ਨਿਰਜਲਾ ਵਰਤ ਰੱਖ ਕੇ ਸੰਤਾਨ ਦੀ ਚੰਗੀ ਸਿਹਤ ਲਈ ਮਾਤਾ ਤੋਂ ਅਸ਼ੀਰਵਾਦ ਮੰਗਦੀਆਂ ਹਨ।
Posted By Neha Diwan
Publish Date: Sun, 01 Nov 2026 12:55 PM (IST)
Updated Date: Sun, 01 Nov 2026 12:56 PM (IST)
ਧਰਮ ਡੈਸਕ, ਨਵੀਂ ਦਿੱਲੀ। ਅਹੋਈ ਅਸ਼ਟਮੀ ਦਾ ਵਰਤ ਸੰਤਾਨ ਦੀ ਲੰਬੀ ਉਮਰ, ਚੰਗੀ ਸਿਹਤ ਅਤੇ ਸੁਖੀ ਜੀਵਨ ਦੀ ਕਾਮਨਾ ਲਈ ਰੱਖਿਆ ਜਾਂਦਾ ਹੈ। ਇਸ ਦਿਨ ਮਾਵਾਂ ਅਹੋਈ ਮਾਤਾ ਦੀ ਪੂਜਾ-ਅਰਚਨਾ ਕਰਦੀਆਂ ਹਨ ਅਤੇ ਪੂਰਾ ਦਿਨ ਨਿਰਜਲਾ ਵਰਤ ਰੱਖ ਕੇ ਸੰਤਾਨ ਦੀ ਚੰਗੀ ਸਿਹਤ ਲਈ ਮਾਤਾ ਤੋਂ ਅਸ਼ੀਰਵਾਦ ਮੰਗਦੀਆਂ ਹਨ।
ਧਾਰਮਿਕ ਮਾਨਤਾਵਾਂ ਮੁਤਾਬਕ, ਇਸ ਦਿਨ ਤਾਰਿਆਂ ਦੇ ਦਰਸ਼ਨ ਕਰਕੇ ਉਨ੍ਹਾਂ ਨੂੰ ਅਰਘ ਦਿੱਤਾ ਜਾਂਦਾ ਹੈ। ਇਸ ਤੋਂ ਬਾਅਦ ਹੀ ਵਰਤ ਖੋਲ੍ਹਿਆ ਜਾਂਦਾ ਹੈ। ਪਰ ਕਈ ਵਾਰ ਖ਼ਰਾਬ ਮੌਸਮ, ਆਸਮਾਨ ਵਿੱਚ ਬੱਦਲ ਛਾਏ ਹੋਣ ਜਾਂ ਪ੍ਰਦੂਸ਼ਣ ਕਾਰਨ ਤਾਰੇ ਦਿਖਾਈ ਨਹੀਂ ਦਿੰਦੇ। ਅਜਿਹੇ ਵਿੱਚ ਵਰਤ ਰੱਖਣ ਵਾਲੀਆਂ ਔਰਤਾਂ ਦੇ ਮਨ ਵਿੱਚ ਸਵਾਲ ਉੱਠਦਾ ਹੈ ਕਿ ਜੇਕਰ ਅਹੋਈ ਅਸ਼ਟਮੀ ’ਤੇ ਤਾਰੇ ਨਜ਼ਰ ਨਾ ਆਉਣ ਤਾਂ ਪੂਜਾ ਅਤੇ ਅਰਘ ਕਿਵੇਂ ਦਿੱਤਾ ਜਾਵੇ?
ਇਸ ਦੇ ਨਾਲ ਹੀ ਇਹ ਸਵਾਲ ਵੀ ਪੈਦਾ ਹੁੰਦਾ ਹੈ ਕਿ ਕੀ ਅਜਿਹੀ ਸਥਿਤੀ ਵਿੱਚ ਵਰਤ ਪੂਰਾ ਮੰਨਿਆ ਜਾਵੇਗਾ? ਇਸ ਸਾਲ ਅਹੋਈ ਅਸ਼ਟਮੀ ਅੱਜ ਯਾਨੀ 1 ਨਵੰਬਰ ਨੂੰ ਮਨਾਈ ਜਾ ਰਹੀ ਹੈ। ਆਓ ਜਾਣਦੇ ਹਾਂ ਕਿ ਇਸ ਦਿਨ ਤਾਰੇ ਦਿਖਾਈ ਨਾ ਦੇਣ ’ਤੇ ਪੂਜਾ ਕਿਵੇਂ ਕਰਨੀ ਚਾਹੀਦੀ ਹੈ।
ਅਹੋਈ ਅਸ਼ਟਮੀ ’ਤੇ ਤਾਰਿਆਂ ਨੂੰ ਅਰਘ ਕਿਵੇਂ ਦਿੱਤਾ ਜਾਂਦਾ ਹੈ?
ਅਹੋਈ ਅਸ਼ਟਮੀ ਦੇ ਦਿਨ ਤਾਰਿਆਂ ਨੂੰ ਅਰਘ ਦੇਣ ਦਾ ਵਿਸ਼ੇਸ਼ ਮਹੱਤਵ ਮੰਨਿਆ ਜਾਂਦਾ ਹੈ। ਸ਼ਾਮ ਵੇਲੇ ਪੂਜਾ ਕਰਨ ਦੇ ਨਾਲ ਇਸ ਲਈ ਸਭ ਤੋਂ ਪਹਿਲਾਂ ਇੱਕ ਭਾਂਡੇ ਵਿੱਚ ਸ਼ੁੱਧ ਜਲ ਭਰ ਲਓ। ਹੁਣ ਇਸ ਵਿੱਚ ਥੋੜ੍ਹਾ ਜਿਹਾ ਕੱਚਾ ਦੁੱਧ, ਰੋਲੀ, ਅਕਸ਼ਤ ਅਤੇ ਲਾਲ ਫੁੱਲ ਪਾਓ। ਅਰਘ ਦਿੰਦੇ ਸਮੇਂ ਹੱਥ ਵਿੱਚ ਕਣਕ ਜਾਂ ਚੌਲਾਂ ਦੇ ਕੁਝ ਦਾਣੇ ਅਤੇ ਮਿਠਾਈ ਰੱਖੋ। ਇਸ ਤੋਂ ਬਾਅਦ ਉੱਤਰ-ਪੂਰਬ ਯਾਨੀ ਈਸ਼ਾਨ ਕੋਣ ਜਾਂ ਪੂਰਬ ਦਿਸ਼ਾ ਵੱਲ ਮੂੰਹ ਕਰਕੇ ਖੜ੍ਹੇ ਹੋ ਜਾਓ।
ਅਰਘ ਦਿੰਦੇ ਸਮੇਂ ਧਿਆਨ ਰੱਖੋ ਕਿ ਤੁਸੀਂ ਕਿਸੇ ਆਸਣ ਜਾਂ ਪਟੜੇ ’ਤੇ ਖੜ੍ਹੇ ਹੋ ਕੇ ਹੀ ਜਲ ਅਰਪਿਤ ਕਰੋ। ਇਸ ਗੱਲ ਦਾ ਵੀ ਧਿਆਨ ਰੱਖੋ ਕਿ ਅਰਘ ਦਾ ਜਲ ਪੈਰਾਂ ’ਤੇ ਨਾ ਡਿੱਗੇ। ਅਰਘ ਦਿੰਦੇ ਸਮੇਂ ‘ਓਮ ਅਹੋਈ ਮਾਤ੍ਰੇ ਨਮਃ’ ਮੰਤਰ ਦਾ ਜਾਪ ਕਰੋ। ਤਾਰਿਆਂ ਨੂੰ ਅਰਘ ਦੇਣ ਤੋਂ ਬਾਅਦ ਹੱਥ ਜੋੜ ਕੇ ਪ੍ਰਣਾਮ ਕਰੋ ਅਤੇ ਸੰਤਾਨ ਦੀ ਲੰਬੀ ਉਮਰ ਤੇ ਚੰਗੀ ਸਿਹਤ ਲਈ ਪ੍ਰਾਰਥਨਾ ਕਰੋ।
ਅਹੋਈ ਅਸ਼ਟਮੀ ’ਤੇ ਤਾਰੇ ਨਾ ਦਿਖਣ ਤਾਂ ਕੀ ਕਰੀਏ?
ਜੇਕਰ ਕਿਸੇ ਕਾਰਨ ਆਸਮਾਨ ਸਾਫ਼ ਨਾ ਹੋਵੇ ਅਤੇ ਬੱਦਲਾਂ ਕਾਰਨ ਤਾਰੇ ਨਜ਼ਰ ਨਾ ਆਉਣ ਤਾਂ ਪਰੇਸ਼ਾਨ ਹੋਣ ਦੀ ਲੋੜ ਨਹੀਂ ਹੈ। ਅਜਿਹੀ ਸਥਿਤੀ ਵਿੱਚ ਕੁਝ ਆਸਾਨ ਤਰੀਕੇ ਅਪਣਾਏ ਜਾ ਸਕਦੇ ਹਨ।
ਪੰਚਾਂਗ ਵਿੱਚ ਦਿੱਤੇ ਸਮੇਂ ਅਨੁਸਾਰ ਅਰਘ ਦਿਓ: ਜੇਕਰ ਆਸਮਾਨ ਵਿੱਚ ਤਾਰੇ ਦਿਖਾਈ ਨਾ ਦੇਣ ਤਾਂ ਪੰਚਾਂਗ ਵਿੱਚ ਦਿੱਤੇ ਤਾਰਿਆਂ ਦੇ ਉਦੈ ਹੋਣ ਦੇ ਸਮੇਂ ਨੂੰ ਆਧਾਰ ਬਣਾਇਆ ਜਾ ਸਕਦਾ ਹੈ। ਪੰਚਾਂਗ ਵਿੱਚ ਦਰਜ ਸਮੇਂ ’ਤੇ ਪੂਰਬ ਦਿਸ਼ਾ ਵੱਲ ਮੂੰਹ ਕਰਕੇ ਖੜ੍ਹੇ ਹੋਵੋ ਅਤੇ ਤਾਰਿਆਂ ਦੀ ਦਿਸ਼ਾ ਵੱਲ ਜਲ ਅਰਪਿਤ ਕਰੋ।
ਮਨ ਵਿੱਚ ਅਹੋਈ ਮਾਤਾ ਅਤੇ ਤਾਰਿਆਂ ਦਾ ਧਿਆਨ ਕਰੋ: ਇਸ ਦੌਰਾਨ ਮਨ ਵਿੱਚ ਅਹੋਈ ਮਾਤਾ ਅਤੇ ਤਾਰਿਆਂ ਦਾ ਧਿਆਨ ਕਰਦਿਆਂ ਸੰਤਾਨ ਦੀ ਸੁੱਖ-ਸ਼ਾਂਤੀ ਅਤੇ ਭਲਾਈ ਲਈ ਪ੍ਰਾਰਥਨਾ ਕਰੋ। ਧਾਰਮਿਕ ਮਾਨਤਾਵਾਂ ਵਿੱਚ ਪੂਜਾ ਦੌਰਾਨ ਸ਼ਰਧਾ ਅਤੇ ਭਾਵਨਾ ਨੂੰ ਵੀ ਵਿਸ਼ੇਸ਼ ਮਹੱਤਵ ਦਿੱਤਾ ਗਿਆ ਹੈ।
ਦੂਜੇ ਸ਼ਹਿਰ ਵਿੱਚ ਦਿਖ ਰਹੇ ਤਾਰਿਆਂ ਦੇ ਦਰਸ਼ਨ ਕਰੋ: ਜੇਕਰ ਕਿਸੇ ਹੋਰ ਸ਼ਹਿਰ ਵਿੱਚ ਤਾਰੇ ਦਿਖਾਈ ਦੇ ਰਹੇ ਹੋਣ ਤਾਂ ਵੀਡੀਓ ਰਾਹੀਂ ਉਨ੍ਹਾਂ ਦੇ ਦਰਸ਼ਨ ਕਰਕੇ ਅਰਘ ਦਿੱਤਾ ਜਾ ਸਕਦਾ ਹੈ। ਮਾਨਤਾ ਅਨੁਸਾਰ, ਜੇਕਰ ਤੁਸੀਂ ਸੱਚੇ ਮਨ ਨਾਲ ਪ੍ਰਾਰਥਨਾ ਕਰਦਿਆਂ ਆਪਣੇ ਪਰਿਵਾਰ ਦੇ ਕਿਸੇ ਮੈਂਬਰ ਦੇ ਸ਼ਹਿਰ ਵਿੱਚ ਦਿਖ ਰਹੇ ਤਾਰਿਆਂ ਦੇ ਦਰਸ਼ਨ ਕਰਕੇ ਅਰਘ ਦਿੰਦੇ ਹੋ ਤਾਂ ਇਸ ਨਾਲ ਵੀ ਉਨਾ ਹੀ ਫਲ ਮਿਲਦਾ ਹੈ।
ਜੇਕਰ ਤੁਸੀਂ ਵੀ ਅਹੋਈ ਅਸ਼ਟਮੀ ਦਾ ਵਰਤ ਰੱਖਦੇ ਹੋ ਅਤੇ ਤਾਰਿਆਂ ਨੂੰ ਅਰਘ ਦੇ ਕੇ ਪੂਜਾ ਕਰਦੇ ਹੋ ਤਾਂ ਤਾਰੇ ਦਿਖਾਈ ਨਾ ਦੇਣ ਦੀ ਸਥਿਤੀ ਵਿੱਚ ਇੱਥੇ ਦੱਸੇ ਤਰੀਕਿਆਂ ਅਨੁਸਾਰ ਪੂਜਾ ਅਤੇ ਅਰਘ ਦੇ ਸਕਦੇ ਹੋ।
ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ, ਲਾਭ, ਸਲਾਹ ਅਤੇ ਵਿਚਾਰ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇਸ ਲੇਖ ਵਿੱਚ ਦਿੱਤੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ, ਜੋਤਸ਼ੀਆਂ, ਪੰਚਾਂਗਾਂ, ਪ੍ਰਵਚਨਾਂ, ਮਾਨਤਾਵਾਂ, ਧਾਰਮਿਕ ਗ੍ਰੰਥਾਂ ਅਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।