ਬੇਹੱਦ ਕਿਸਮਤਵਾਲੇ ਹੁੰਦੇ ਹਨ ਇਸ ਮੁਲਾਂਕ ਦੇ ਬੱਚੇ, ਜਨਮ ਲੈਂਦੇ ਹੀ ਚਮਕਦੀ ਹੈ ਮਾਤਾ-ਪਿਤਾ ਦੀ ਕਿਸਮਤ

ਮੁਲਾਂਕ 3 ਨਾਲ ਜੁੜੇ ਬੱਚਿਆਂ ਨੂੰ ਕੁਬੇਰ ਦਾ ਰੂਪ ਮੰਨਿਆ ਜਾਂਦਾ ਹੈ, ਕਿਉਂਕਿ ਇਨ੍ਹਾਂ ਦੇ ਜਨਮ ਤੋਂ ਬਾਅਦ ਪਰਿਵਾਰ ਵਿੱਚ ਆਰਥਿਕ ਸਥਿਤੀ ਬਿਹਤਰ ਹੁੰਦੀ ਚਲੀ ਜਾਂਦੀ ਹੈ। ਇਹ ਬੱਚੇ ਘਰ ਵਿੱਚ ਖ਼ੁਸ਼ੀਆਂ ਅਤੇ ਖ਼ੁਸ਼ਹਾਲੀ ਲੈ ਕੇ ਆਉਣ ਦਾ ਕੰਮ ਕਰਦੇ ਹਨ। ਇਸ ਤੋਂ ਇਲਾਵਾ ਇਹ ਪਰਿਵਾਰ ਦੇ ਲਾਡਲੇ ਵੀ ਹੁੰਦੇ ਹਨ।

ਮੁਲਾਂਕ 3 ਦੇ ਬੱਚਿਆਂ ਦੀਆਂ ਖ਼ਾਸੀਅਤ

ਬੁੱਧੀਮਾਨ ਅਤੇ ਤੇਜ਼ ਦਿਮਾਗ: ਅੰਕ ਸ਼ਾਸਤਰ ਦੇ ਮੁਤਾਬਕ, ਮੁਲਾਂਕ 3 ਦੇ ਬੱਚੇ ਕਾਫ਼ੀ ਬੁੱਧੀਮਾਨ ਹੁੰਦੇ ਹਨ। ਇਨ੍ਹਾਂ ਦਾ ਦਿਮਾਗ ਕਾਫ਼ੀ ਤੇਜ਼ ਚੱਲਦਾ ਹੈ ਅਤੇ ਇਹ ਕੋਈ ਵੀ ਕੰਮ ਜਲਦੀ ਸਿੱਖ ਲੈਂਦੇ ਹਨ।

ਪੜ੍ਹਨ-ਲਿਖਣ ’ਚ ਦਿਲਚਸਪੀ: ਆਮ ਤੌਰ 'ਤੇ ਇਸ ਅੰਕ ਨਾਲ ਜੁੜੇ ਬੱਚਿਆਂ ਵਿੱਚ ਪੜ੍ਹਨ-ਲਿਖਣ ਦੀ ਵੀ ਕਾਫ਼ੀ ਦਿਲਚਸਪੀ ਹੁੰਦੀ ਹੈ। ਇਹੋ ਵਜ੍ਹਾ ਹੈ ਕਿ ਇਹ ਅਕਸਰ ਆਪਣੇ ਆਸ-ਪਾਸ ਦੇ ਲੋਕਾਂ ਵਿੱਚ ਕਾਫ਼ੀ ਬੁੱਧੀਮਾਨ ਮੰਨੇ ਜਾਂਦੇ ਹਨ।

ਹੱਸਮੁੱਖ ਅਤੇ ਮਿਲਣਸਾਰ ਕੁਦਰਤ: ਇਨ੍ਹਾਂ ਲੋਕਾਂ ਦਾ ਸੁਭਾਅ ਕਾਫ਼ੀ ਹੱਸਮੁੱਖ ਅਤੇ ਮਿਲਣਸਾਰ ਹੁੰਦਾ ਹੈ। ਆਪਣੇ ਸੁਭਾਅ ਨਾਲ ਇਹ ਕਿਸੇ ਦਾ ਵੀ ਦਿਲ ਜਿੱਤਣ ਦੀ ਕਾਬਲੀਅਤ ਰੱਖਦੇ ਹਨ। ਗੁਰੂ (ਬ੍ਰਹਿਸਪਤੀ) ਦੇ ਪ੍ਰਭਾਵ ਕਾਰਨ ਆਪਣੇ ਤੋਂ ਵੱਡਿਆਂ ਦਾ ਸਤਿਕਾਰ ਕਰਨਾ ਇਨ੍ਹਾਂ ਨੂੰ ਕਾਫ਼ੀ ਚੰਗਾ ਲੱਗਦਾ ਹੈ।

ਰਚਨਾਤਮਕ ਦਿਮਾਗ: ਪੜ੍ਹਾਈ ਦੇ ਨਾਲ-ਨਾਲ ਇਨ੍ਹਾਂ ਦਾ ਦਿਮਾਗ ਕ੍ਰਿਏਟਿਵਿਟੀ ਦੇ ਮਾਮਲੇ ਵਿੱਚ ਵੀ ਕਾਫ਼ੀ ਚੱਲਦਾ ਹੈ। ਪੇਂਟਿੰਗ, ਰਾਈਟਿੰਗ ਅਤੇ ਵਾਦ-ਵਿਵਾਦ (Debate) ਦੇ ਮਾਮਲੇ ਵਿੱਚ ਇਹ ਲੋਕ ਕਾਫ਼ੀ ਚੰਗਾ ਪ੍ਰਦਰਸ਼ਨ ਕਰਦੇ ਹਨ।

ਗੱਲਬਾਤ ਦੀ ਕਲਾ ਵਿੱਚ ਮਾਹਰ: ਗੱਲਬਾਤ ਦੀ ਕਲਾ ਵਿੱਚ ਮਾਹਰ ਹੋਣ ਦੇ ਨਾਲ-ਨਾਲ ਇਹ ਲੋਕ ਕਿਸੇ ਨਾਲ ਵੀ ਚੰਗਾ ਤਾਲਮੇਲ ਸਥਾਪਿਤ ਕਰ ਲੈਂਦੇ ਹਨ, ਜਿਸ ਕਰਕੇ ਇਸ ਅੰਕ ਦੇ ਲੋਕ ਕਿਸੇ ਤੋਂ ਵੀ ਆਪਣਾ ਕੰਮ ਆਸਾਨੀ ਨਾਲ ਨਿਕਲਵਾ ਲੈਂਦੇ ਹਨ।

ਮਹੱਤਵਾਕਾਂਕਸ਼ੀ ਅਤੇ ਧਾਰਮਿਕ: ਇਸ ਅੰਕ ਦੇ ਲੋਕ ਕਾਫ਼ੀ ਮਹੱਤਵਾਕਾਂਕਸ਼ੀ ਹੁੰਦੇ ਹਨ। ਬਚਪਨ ਤੋਂ ਹੀ ਵੱਡੇ ਸੁਫ਼ਨੇ ਦੇਖਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਪੂਰਾ ਕਰਨ ਲਈ ਦਿਨ-ਰਾਤ ਮਿਹਨਤ ਕਰਦੇ ਹਨ। ਇਸ ਤੋਂ ਇਲਾਵਾ ਕਾਫ਼ੀ ਧਾਰਮਿਕ ਸੁਭਾਅ ਦੇ ਹੋਣ ਦੇ ਨਾਲ-ਨਾਲ ਇਨ੍ਹਾਂ ਨੂੰ ਲੋਕਾਂ ਨਾਲ ਸਮਾਂ ਬਿਤਾਉਣਾ ਚੰਗਾ ਲੱਗਦਾ ਹੈ।

ਬੇਦਾਅਵਾ (Disclaimer): ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਕੇਵਲ ਆਮ ਜਾਣਕਾਰੀ ਲਈ ਹਨ। ਦੈਨਿਕ ਜਾਗਰਣ ਇੱਥੇ ਇਸ ਲੇਖ/ਫ਼ੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ-ਗ੍ਰੰਥਾਂ/ਦੰਦ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਬਿਬੇਕ ਦੀ ਵਰਤੋਂ ਕਰਨ। ਦੈਨਿਕ ਜਾਗਰਣ ਅੰਧ-ਵਿਸ਼ਵਾਸ ਦੇ ਖ਼ਿਲਾਫ਼ ਹੈ।