- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਆਈਫੋਨ, ਜੀਨਸ ਤੋਂ ਲੈ ਕੇ ਟੂਥਪੇਸਟ ਤੱਕ...ਫਲਿਪਕਾਰਟ ਦੇ ਡਿਲੀਵਰੀ ਬੁਆਏ ਨੇ ਚੋਰੀ ਕੀਤੇ 4.60 ਲੱਖ ਦੇ ਪਾਰਸਲ
ਪੁਲਿਸ ਮੁਤਾਬਕ ਗ੍ਰਿਫ਼ਤਾਰ ਮੁਲਜ਼ਮ ਦੀ ਪਛਾਣ ਭਾਵਨਗਰ ਦੇ ਅਖਲੋਲ ਜ਼ਕਾਤਨਾਕਾ ਨਿਵਾਸੀ ਰੁਤਵਿਕ ਮਕਵਾਨਾ ਉਰਫ਼ ਕੋਲੀ ਵਜੋਂ ਹੋਈ ਹੈ। ਐੱਲ.ਸੀ.ਬੀ. ਨੂੰ ਸੂਚਨਾ ਮਿਲੀ ਸੀ ਕਿ ਮੋਤੀਬਾਗ ਰੋਡ 'ਤੇ ਗੰਗਾਜਲੀਆ ਝੀਲ ਦੇ ਕਿਨਾਰੇ ਇੱਕ ਨੌਜਵਾਨ ਬਿਨਾਂ ਕਿਸੇ ਬਿੱਲ ਜਾਂ ਵੈਧ ਦਸਤਾਵੇਜ਼ ਦੇ ਨਵੇਂ ਮੋਬਾਈਲ ਫੋਨ ਅਤੇ ਹੋਰ ਉਤਪਾਦ ਵੇਚ ਰਿਹਾ ਹੈ।
Posted By Anuradha Bains
Publish Date: Sun, 25 Oct 2026 10:46 AM (IST)
Updated Date: Sun, 25 Oct 2026 10:49 AM (IST)
ਡਿਜੀਟਲ ਡੈਸਕ, ਅਹਿਮਦਾਬਾਦ। ਗੁਜਰਾਤ ਦੇ ਸੂਰਤ ’ਚ ਈ-ਕੋਮਰਸ ਕੰਪਨੀ ਫਲਿਪਕਾਰਟ ਵਿੱਚ ਕੰਮ ਕਰਨ ਵਾਲੇ 26 ਸਾਲਾ ਇੱਕ ਡਿਲੀਵਰੀ ਏਜੰਟ ਨੂੰ ਭਾਵਨਗਰ ਲੋਕਲ ਕ੍ਰਾਈਮ ਬ੍ਰਾਂਚ (LCB) ਨੇ ਗ੍ਰਿਫ਼ਤਾਰ ਕੀਤਾ ਹੈ।
ਮੁਲਜ਼ਮ 'ਤੇ ਗਾਹਕਾਂ ਨੂੰ ਭੇਜੇ ਜਾਣ ਵਾਲੇ ਪਾਰਸਲਾਂ ਵਿੱਚੋਂ ਲਗਭਗ 4.60 ਲੱਖ ਰੁਪਏ ਦੇ ਮੋਬਾਈਲ ਫੋਨ ਅਤੇ ਹੋਰ ਕੀਮਤੀ ਸਮਾਨ ਚੋਰੀ ਕਰਨ ਦਾ ਦੋਸ਼ ਹੈ। ਪੁਲਿਸ ਨੇ ਮੁਲਜ਼ਮ ਕੋਲੋਂ ਚੋਰੀ ਕੀਤਾ ਸਾਰਾ ਸਮਾਨ ਬਰਾਮਦ ਕਰ ਲਿਆ ਹੈ।
ਪੁਲਿਸ ਮੁਤਾਬਕ ਗ੍ਰਿਫ਼ਤਾਰ ਮੁਲਜ਼ਮ ਦੀ ਪਛਾਣ ਭਾਵਨਗਰ ਦੇ ਅਖਲੋਲ ਜ਼ਕਾਤਨਾਕਾ ਨਿਵਾਸੀ ਰੁਤਵਿਕ ਮਕਵਾਨਾ ਉਰਫ਼ ਕੋਲੀ ਵਜੋਂ ਹੋਈ ਹੈ। ਐੱਲ.ਸੀ.ਬੀ. ਨੂੰ ਸੂਚਨਾ ਮਿਲੀ ਸੀ ਕਿ ਮੋਤੀਬਾਗ ਰੋਡ 'ਤੇ ਗੰਗਾਜਲੀਆ ਝੀਲ ਦੇ ਕਿਨਾਰੇ ਇੱਕ ਨੌਜਵਾਨ ਬਿਨਾਂ ਕਿਸੇ ਬਿੱਲ ਜਾਂ ਵੈਧ ਦਸਤਾਵੇਜ਼ ਦੇ ਨਵੇਂ ਮੋਬਾਈਲ ਫੋਨ ਅਤੇ ਹੋਰ ਉਤਪਾਦ ਵੇਚ ਰਿਹਾ ਹੈ।
ਸੂਚਨਾ ਮਿਲਦੇ ਹੀ ਪੁਲਿਸ ਟੀਮ ਨੇ ਮੌਕੇ 'ਤੇ ਛਾਪਾ ਮਾਰ ਕੇ ਉਸ ਨੂੰ ਸਮਾਨ ਸਮੇਤ ਕਾਬੂ ਕਰ ਲਿਆ। ਜਦੋਂ ਉਸ ਕੋਲੋਂ ਸਮਾਨ ਦੇ ਬਿੱਲ ਮੰਗੇ ਗਏ, ਤਾਂ ਉਹ ਕੋਈ ਦਸਤਾਵੇਜ਼ ਨਹੀਂ ਦਿਖਾ ਸਕਿਆ ਅਤੇ ਨਾ ਹੀ ਸੰਤੋਖਜਨਕ ਜਵਾਬ ਦੇ ਸਕਿਆ। ਇਸ ਤੋਂ ਬਾਅਦ ਪੁਲਿਸ ਨੇ ਮਾਲ ਜ਼ਬਤ ਕਰਕੇ ਉਸ ਨੂੰ ਹਿਰਾਸਤ ਵਿੱਚ ਲੈ ਲਿਆ।
ਪੁੱਛਗਿੱਛ 'ਚ ਕਬੂਲਿਆ ਪਾਰਸਲ ਗਬਨ ਕਰਨ ਦਾ ਜੁਰਮ
ਸਖ਼ਤੀ ਨਾਲ ਕੀਤੀ ਗਈ ਪੁੱਛਗਿੱਛ ’ਚ ਮਕਵਾਨਾ ਨੇ ਸਵੀਕਾਰ ਕੀਤਾ ਕਿ ਉਹ ਸੂਰਤ ’ਚ ਫਲਿਪਕਾਰਟ ਲਈ ਡਿਲੀਵਰੀ ਬੁਆਏ ਦਾ ਕੰਮ ਕਰਦਾ ਸੀ ਅਤੇ ਉਸ ਨੇ ਲਗਭਗ 15 ਦਿਨ ਪਹਿਲਾਂ ਇਹ ਪਾਰਸਲ ਚੋਰੀ ਕੀਤੇ ਸਨ।
ਪੁਲਿਸ ਅਨੁਸਾਰ, ਉਹ ਗਾਹਕਾਂ ਨੂੰ ਡਿਲੀਵਰ ਕੀਤੇ ਜਾਣ ਵਾਲੇ ਮਹਿੰਗੇ ਸਮਾਨ ਅਤੇ ਮੋਬਾਈਲ ਫੋਨਾਂ ਦੇ ਬੈਗ ਕੰਪਨੀ ਤੋਂ ਹਾਸਲ ਕਰਦਾ ਸੀ। ਇਸ ਤੋਂ ਬਾਅਦ ਉਹ ਉਨ੍ਹਾਂ ਪਾਰਸਲਾਂ ਨੂੰ ਗਾਹਕਾਂ ਤੱਕ ਪਹੁੰਚਾਉਣ ਜਾਂ ਕੰਪਨੀ ਨੂੰ ਵਾਪਸ ਮੋੜਨ ਦੀ ਬਜਾਏ ਖ਼ੁਦ ਰੱਖ ਕੇ ਸੂਰਤ ਤੋਂ ਫ਼ਰਾਰ ਹੋ ਗਿਆ ਸੀ।
4.60 ਲੱਖ ਰੁਪਏ ਤੋਂ ਵੱਧ ਦਾ ਸਮਾਨ ਬਰਾਮਦ
ਪੁਲਿਸ ਨੇ ਮੁਲਜ਼ਮ ਕੋਲੋਂ ਕੁੱਲ 4,60,512 ਰੁਪਏ ਦੀ ਕੀਮਤ ਦਾ ਚੋਰੀ ਦਾ ਸਮਾਨ ਜ਼ਬਤ ਕੀਤਾ ਹੈ। ਬਰਾਮਦ ਸਮੱਗਰੀ ਵਿੱਚ ਗੂਗਲ ਪਿਕਸਲ, ਸੈਮਸੰਗ ਗਲੈਕਸੀ, ਵੀਵੋ, ਲਾਵਾ, ਪੋਕੋ, ਮੋਟੋਰੋਲਾ ਅਤੇ ਐੱਚ.ਐੱਮ.ਡੀ. ਵਰਗੇ ਬ੍ਰਾਂਡਾਂ ਦੇ 13 ਨਵੇਂ ਸਮਾਰਟਫੋਨ ਸ਼ਾਮਲ ਹਨ।
ਇਸ ਤੋਂ ਇਲਾਵਾ ਐਪਲ ਏਅਰਪੌਡਸ, ਫਾਇਰ-ਬੋਲਟ ਸਮਾਰਟਵਾਚ, ਟਾਈਟਨ ਅਤੇ ਹੋਰ ਬ੍ਰਾਂਡਾਂ ਦੀਆਂ ਘੜੀਆਂ, ਵਨਪਲੱਸ ਅਤੇ ਵੀਵੋ ਦੇ ਈਅਰਬਡਸ, ਮਹਿੰਗੇ ਪਰਫਿਊਮ, ਕਾਸਮੈਟਿਕਸ, ਪਾਵਰ ਬੈਂਕ ਅਤੇ ਲੁਈ ਫਿਲਿਪ ਬ੍ਰਾਂਡ ਦੇ ਕੱਪੜੇ ਵੀ ਬਰਾਮਦ ਕੀਤੇ ਗਏ ਹਨ।
ਪੁਲਿਸ ਨੇ ਸ਼ੁਰੂ ਕੀਤੀ ਜਾਂਚ
ਭਾਵਨਗਰ ਕ੍ਰਾਈਮ ਬ੍ਰਾਂਚ ਨੇ ਮੁਲਜ਼ਮ ਅਤੇ ਜ਼ਬਤ ਕੀਤੇ ਗਏ ਮਾਲ ਨੂੰ ਅੱਗੇ ਦੀ ਕਾਨੂੰਨੀ ਕਾਰਵਾਈ ਲਈ ਗੰਗਾਜਲੀਆ ਪੁਲਿਸ ਸਟੇਸ਼ਨ ਦੇ ਹਵਾਲੇ ਕਰ ਦਿੱਤਾ ਹੈ।
ਇਹ ਮਾਮਲਾ ਸੂਰਤ ਸ਼ਹਿਰ ਦੇ ਸਰੋਲੀ ਪੁਲਿਸ ਸਟੇਸ਼ਨ ਵਿੱਚ ਭਾਰਤੀ ਨਿਆਇ ਸੰਹਿਤਾ (BNS) ਦੀ ਧਾਰਾ 306 ਤਹਿਤ ਦਰਜ ਕੀਤਾ ਗਿਆ ਹੈ ਅਤੇ ਪੁਲਿਸ ਅੱਗੇ ਦੀ ਜਾਂਚ ਕਰ ਰਹੀ ਹੈ।