- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦਿਲ ਦਹਿਲਾਉਣ ਵਾਲਾ ਹਾਦਸਾ, 23ਵੀਂ ਮੰਜ਼ਿਲ ਤੋਂ ਡਿਗ ਰਹੇ ਪੁੱਤਰ ਨੂੰ ਬਚਾਉਣ ਲਈ ਦੌੜਿਆ ਪਿਤਾ; ਦੋਵਾਂ ਦੀ ਹੋਈ ਦਰਦਨਾਕ ਮੌਤ
ਪੁਲਿਸ ਮੁਤਾਬਕ ਰਣਦੀਪ, ਉਨ੍ਹਾਂ ਦਾ ਪੁੱਤਰ ਆਰਵ ਅਤੇ ਪਤਨੀ ਤਿੰਨੇ ਟਾਵਰ-23 ਵਿੱਚ ਰਹਿੰਦੇ ਸਨ। ਪਰਿਵਾਰ ਸ਼ੁੱਕਰਵਾਰ ਸਵੇਰੇ ਖਾਟੂ ਸ਼ਿਆਮ ਜਾਣ ਦੀ ਤਿਆਰੀ ਕਰ ਰਿਹਾ ਸੀ। ਪੂਜਾ ਲਈ ਰਣਦੀਪ ਅਤੇ ਆਰਵ ਬਾਲਕਨੀ ਵਿੱਚ ਪੌੜੀ ਲਗਾ ਕੇ ਫੁੱਲ ਤੋੜ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਦੀ ਪਤਨੀ ਘਰ ਅੰਦਰ ਤਿਆਰ ਹੋ ਰਹੀ ਸੀ।
Posted By Sunita
Publish Date: Fri, 30 Oct 2026 11:53 AM (IST)
Updated Date: Fri, 30 Oct 2026 11:54 AM (IST)
ਜਾਗਰਣ ਸੰਵਾਦਦਾਤਾ, ਗ੍ਰੇਟਰ ਨੋਇਡਾ - ਬਿਸਰਖ ਕੋਤਵਾਲੀ ਖੇਤਰ ਦੀ ਮਹਾਗੁਨ ਮਾਈਵੁੱਡਜ਼ ਸੁਸਾਇਟੀ ਵਿੱਚ ਸ਼ੁੱਕਰਵਾਰ ਤੜਕੇ ਕਰੀਬ 4:20 ਵਜੇ ਦਿਲ ਦਹਿਲਾ ਦੇਣ ਵਾਲਾ ਹਾਦਸਾ ਵਾਪਰ ਗਿਆ। ਟਾਵਰ-23 ਦੀ 23ਵੀਂ ਮੰਜ਼ਿਲ ਤੋਂ ਡਿੱਗਣ ਕਾਰਨ ਪਿਤਾ ਰਣਦੀਪ ਪਾਤਰਾ (40) ਅਤੇ ਉਨ੍ਹਾਂ ਦੇ 11 ਸਾਲਾ ਪੁੱਤਰ ਆਰਵ ਦੀ ਮੌਤ ਹੋ ਗਈ। ਮ੍ਰਿਤਕ ਰਣਦੀਪ ਪਾਤਰਾ ਦਿੱਲੀ ਸਥਿਤ ਕੇਂਦਰੀ ਸਕੱਤਰੇਤ ਵਿੱਚ ਸੈਕਸ਼ਨ ਅਫ਼ਸਰ ਦੇ ਅਹੁਦੇ ’ਤੇ ਤਾਇਨਾਤ ਸਨ।
ਬਾਲਕੋਨੀ ਵਿੱਚ ਪੌੜੀ ਲਗਾ ਕੇ ਫੁੱਲ ਤੋੜ ਰਿਹਾ ਸੀ ਪੁੱਤਰ
ਪੁਲਿਸ ਮੁਤਾਬਕ ਰਣਦੀਪ, ਉਨ੍ਹਾਂ ਦਾ ਪੁੱਤਰ ਆਰਵ ਅਤੇ ਪਤਨੀ ਤਿੰਨੇ ਟਾਵਰ-23 ਵਿੱਚ ਰਹਿੰਦੇ ਸਨ। ਪਰਿਵਾਰ ਸ਼ੁੱਕਰਵਾਰ ਸਵੇਰੇ ਖਾਟੂ ਸ਼ਿਆਮ ਜਾਣ ਦੀ ਤਿਆਰੀ ਕਰ ਰਿਹਾ ਸੀ। ਪੂਜਾ ਲਈ ਰਣਦੀਪ ਅਤੇ ਆਰਵ ਬਾਲਕਨੀ ਵਿੱਚ ਪੌੜੀ ਲਗਾ ਕੇ ਫੁੱਲ ਤੋੜ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਦੀ ਪਤਨੀ ਘਰ ਅੰਦਰ ਤਿਆਰ ਹੋ ਰਹੀ ਸੀ।
ਬਾਲਕਨੀ ਤੋਂ ਲਟਕਣ ’ਤੇ ਪੁੱਤਰ ਨੂੰ ਬਚਾਉਣ ਲਈ ਦੌੜੇ ਪਿਤਾ
ਇਸੇ ਦੌਰਾਨ ਆਰਵ ਦਾ ਪੈਰ ਪੌੜੀ ਤੋਂ ਤਿਲਕ ਗਿਆ ਅਤੇ ਉਹ ਬਾਲਕਨੀ ਤੋਂ ਲਟਕ ਗਿਆ। ਪੁੱਤਰ ਨੂੰ ਬਚਾਉਣ ਲਈ ਪਿਤਾ ਰਣਦੀਪ ਤੁਰੰਤ ਦੌੜੇ, ਪਰ ਇਸ ਦੌਰਾਨ ਦੋਵੇਂ ਤਿਲਕ ਕੇ 23ਵੀਂ ਮੰਜ਼ਿਲ ਤੋਂ ਹੇਠਾਂ ਡਿੱਗ ਪਏ। ਦੋਵਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ।
ਲਾਸ਼ਾਂ ਪੋਸਟਮਾਰਟਮ ਲਈ ਭੇਜੀਆਂ
112 ’ਤੇ ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਮੌਕੇ ’ਤੇ ਪਹੁੰਚੀ ਅਤੇ ਦੋਵਾਂ ਨੂੰ ਹਸਪਤਾਲ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਪੁਲਿਸ ਡਿਪਟੀ ਕਮਿਸ਼ਨਰ ਸੈਂਟਰਲ ਨੋਇਡਾ ਪ੍ਰਵੀਨ ਰੰਜਨ ਸਿੰਘ ਨੇ ਦੱਸਿਆ ਕਿ ਸ਼ੁੱਕਰਵਾਰ ਸਵੇਰੇ 4:20 ਵਜੇ ਕੰਟਰੋਲ ਰੂਮ ਨੂੰ ਸੂਚਨਾ ਮਿਲੀ ਸੀ ਕਿ ਮਾਈਵੁੱਡਜ਼ ਸੁਸਾਇਟੀ ਵਿੱਚ ਦੋ ਵਿਅਕਤੀ ਉੱਚਾਈ ਤੋਂ ਡਿੱਗ ਗਏ ਹਨ। ਦੋਵਾਂ ਦੀਆਂ ਲਾਸ਼ਾਂ ਪੋਸਟਮਾਰਟਮ ਲਈ ਭੇਜ ਦਿੱਤੀਆਂ ਗਈਆਂ ਹਨ। ਮਾਮਲੇ ਦੀ ਹਰ ਪਹਿਲੂ ਤੋਂ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।